លើកមុនបង្ហាញគ្រឿងពេជ្រ ម្ដងនេះ ដេវីត ពាក់មាសជ្រែកខ្លួន ទាំងខ្សែៗ

ភ្នំពេញ៖ បច្ចុប្បន្នគ្រប់គ្នាច្បាស់ជាបានឃើញពីជីវិតឯកជនរបស់តារាចម្រៀងប្រុសពូកែរ៉េប លោក ងួន ចាន់ដេវីត ដោយពេលនេះ តារារូបនេះកាន់តែមានជីវភាពល្អប្រសើរជាងមុនឆ្ងាយតែម្ដង បន្ទាប់ពីជោគជ័យលើវិថីសិល្បៈ និងមុខជំនួញផ្ទាល់ខ្លួនយ៉ាងដូច្នេះ។ ក្នុងនោះដែរ មួយរយៈចុងក្រោយនេះ គេតែងតែឃើញលោកចំណាយលុយផ្ទាល់ខ្លួនទិញរបស់របរប្រើប្រាស់ដូចជាគ្រឿងពេជ្រ និងរថយន្តស៊េរីទំនើបជាច្រើនគ្រឿងជាដើម។ 

ជាការពិត ក្រៅពីការងារសិល្បៈ និងមុខជំនួញ តារាចម្រៀងរាងខ្ពស់ស្រឡះរូបនេះ ក៏ជាទូតសុឆន្ទៈតំណាងឲ្យផលិតផលជាច្រើនផងដែរ។ យ៉ាងណាមិញ បើក្រឡេកទៅមើលការ តុបតែងខ្លួនពេលឡើងឆាកម្ដងៗរបស់តារារូបនេះវិញ ឃើញថា ជីដេវីត តែងតែពាក់នៅគ្រឿងពេជ្រយ៉ាងចែងចាំង បង្ហាញពីភាពលេចធ្លោទាន់សម័យរបស់ខ្លួនជានិច្ច។

ចំណែកគ្រឿងអលង្ការពេជ្រ ដែលតារារូបនេះបានពាក្យសុទ្ធសឹងតែមានតម្លៃថ្លៃ មិនធម្មតានោះទេ មិនថាក្រវិល ខ្សែដៃ ខ្សែក និងចិញ្ជៀន។ ជាមួយគ្នានេះដែរ មួយរយៈមុន ជី ដេវីត បង្ហាញពីគ្រឿងពេជ្រឲ្យអ្នកគាំទ្របានឃើញ តែមុននេះ តារារូបនេះ បានបង្ហោះរូបមួយសន្លឹកពាក្យខ្សែកមាសជាច្រើនខ្សែឡើងជ្រែកខ្លួនតែម្ដង។

តួយ៉ាង ក្រោយតារាចម្រៀងរូបនេះ បង្ហោះរូបពាក្យមាសបែបនេះរួច ក៏មានអ្នកលេងបណ្ដាញសង្គម និងហ្វេនជាច្រើន បានបង្ហាញអារម្មណ៍ មិនចាញ់កាលបង្ហាញពេជ្រដំបូងនោះទេ  មិនត្រឹមតែប៉ុណ្ណោះនាំគ្នាពោលពាក្យសរសើរ នៅក្មេងប៉ុណ្ណឹងតែរបស់មានតម្លៃមានសឹងគ្រប់មុខហើយ៕

សូមទស្សនារូបភាពខាងក្រោម៖