អាមេរិក៖ គិលានុបដ្ឋាយិកាក្នុងទីក្រុងញូវយ៉ក លោកស្រី Sandra Lindsay មានអាយុ ៥២ឆ្នាំ កាលពីថ្ងៃច័ន្ទម្សិលមិញនេះ បានក្លាយជាមនុស្សដំបូងគេនៅក្នុងសហរដ្ឋអាមេរិក ដែលបានចាក់វ៉ាក់សាំងគ្រប់ចំនួន ២ដងពេញលេញប្រឆាំងនឹងវីរុសកូវីដ១៩។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោកស្រី Lindsay បានទទួលការចាក់វ៉ាក់សាំងរបស់ក្រុមហ៊ុនផលិតឱសថ Pfizer និង BioNTech ជាលើកទី ២នៅឯមជ្ឈមណ្ឌលវេជ្ជសាស្ត្រ Long Island Jewish ក្នុងសង្កាត់ Queens ដែលជាកន្លែងគាត់ធ្វើការ។
បន្ទាប់ពីចាក់វ៉ាក់សាំងលើកទី ២រួច លោកស្រីបានលើកឡើងដូច្នេះថា៖
សាររបស់ខ្ញុំទៅកាន់អ្នកទាំងអស់គ្នា គឺនៅតែជាសារស្តីពីសេចក្តីសង្ឃឹម។ អ្នកទាំងអស់គ្នាបានសិក្សារួចមកហើយថា វ៉ាក់សាំងនេះត្រូវការចាក់ ២ដង ដើម្បីឱ្យវាមានប្រសិទ្ធពេញលេញ។ ដូច្នេះ បន្ទាប់ពីចាក់វ៉ាក់សាំងខាងលើនេះហើយ ខ្ញុំមានអារម្មណ៍ថាខ្ញុំដូចបានបញ្ចប់ការរត់ម៉ារ៉ាតុងមួយអ៊ីចឹង។ ខ្ញុំពិតជាសប្បាយរីករាយណាស់ ដែលបានទទួលការចាក់វ៉ាក់សាំងរបស់ក្រុមហ៊ុនខាងលើនេះ ហើយវាក៏ជាឱកាសមួយដែលជួយឱ្យខ្ញុំបានបង្ហាញពីសុវត្ថិភាពនៃវ៉ាក់សាំងកូវីដ១៩ ក៏ដូចជាការចែករំលែកបទពិសោធន៍របស់នាងខ្ញុំ និងបញ្ជាក់ពីការយល់ខុសរបស់ពលរដ្ឋអាមេរិកទៅលើវ៉ាក់សាំងកូវីដ១៩។
គួររម្លឹកដែរថា លោកស្រី Sandra Lindsay គឺជាមនុស្សដំបូងគេនៅក្នុងសហរដ្ឋអាមេរិក ដែលបានស្ម័គ្រចិត្តទទួលការចាក់វ៉ាក់សាំងកូវីដ១៩ លើកទី១ កាលពីខែធ្នូ ឆ្នាំ២០២០កន្លងទៅនេះ ដើម្បីធ្វើឱ្យពលរដ្ឋអាមេរិកមានទំនុកចិត្តទៅលើវ៉ាក់សាំង៕
Bong I.T