បើយើងមើលផែនដីរបស់យើងពីទីអវកាស យើងនឹងឃើញផែនដីរបស់យើងភាគច្រើនគឺមានពណ៌ខៀវ ដែលពណ៌ខៀវនោះហើយគឺជាមហាសមុទ្រ។ មានបរិមាណទឹកចំនួន៧១%គ្របដណ្តប់លើផ្ទៃរបស់ផែនដី រីឯ២៩%ទៀតគឺជាផ្ទៃដី។ ប្រទេសរុស្សីជាប្រទេសដែលធំជាងគេក្នុងពិភពលោក ប៉ុន្តែប្រទេសនេះមានផ្ទៃក្រលាប្រហាក់ប្រហែលនឹងមហាសមុទ្រដែលតូចជាងគេប៉ុណ្ណោះ។ ចង់ដឹងមហារសមុទ្រទាំងប្រាំនោះមានអ្វីខ្លះ? សូមមិត្តអ្នកអានតាមដានជាមួយគ្នានៅខាងក្រោម៖
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទី១ មហាសមុទ្រប៉ាស៊ីហ្វិក (Pacific Ocean)
មហាសមុទ្រប៉ាស៊ីហ្វិក គឺជាមហាសមុទ្រធំជាងគេលំដាប់ទី១ក្នុងពិភពលោក ដែលមានផ្ទៃក្រលាប្រមាណ ១៦៥.២លានគីឡូម៉ែត្រការ៉េ។ ជម្រៅដែលជ្រៅជាងគេក្នុងសមុទ្រនេះគឺ ១១,០២២ម៉ែត្រ ហើយសមុទ្រនេះមានបរិមាណទឹកប្រមាណ ៧១០លានគីឡូម៉ែត្រគូប។ មហាសមុទ្រនេះគ្របដណ្តប់ ៣០% នៃផ្ទៃផែនដី និងមានបរិមាណស្មើនឹង ៣០% នៃបរិមាណទឹកនៅលើផែនដី។ ខ្សែអេក្វារទ័របានបែងចែកមហាសមុទ្រជាពីរ គឺមហាសមុទ្រប៉ាសុ៎ីហ្វិកខាងជើង និងបហាសមុទ្រប៉ាសុ៎ីហ្វិកខាងត្បូង។
នៅក្នុងភាសាឡាទីន ប៉ាស៊ីហ្វិកមានន័យថា «សន្តិភាព»។ មហាសមុទ្រនេះមានទីតាំងចន្លោះទ្វីបអាស៊ី និងទ្វីបអីសេអានីប៉ែងខាងលិច ព្រមទាំងទ្វីបអាមេរិកខាងជើង និងទ្វីបអាមេរិកខាងត្បូងប៉ែកខាងកើត។
ទី២ មហាសមុទ្រអាត្លង់ទិច (Atlantic Ocean)
មហាសមុទ្រអាត្លង់ទិចជាមហាសមុទ្រធំជាងគេលំដាប់ទី២ក្នុងពិភពលោក ដែលមានផ្ទៃក្រលា ១០៦.៥លានគីឡូម៉ែត្រការ៉េ។ កន្លែងដែលជ្រៅជាងគេនៃមហាសមុទ្រនេះមានជម្រៅ ៨,៤៨៦ម៉ែត្រ ព្រមទាំងមានបរិមាណទឹកប្រមាណ ៣២៣លានគីឡូម៉ែត្រគូប។ មហាសមុទ្រនេះមានរាងស្រដៀងទៅនឹងអក្សរ «S» និងត្រូវបានគេដាក់ឈ្មោះតាមអទិទេពរបស់ជនជាតិក្រិចគឺ«Atlas» ដែលជនជាតិក្រិចចាត់ទុកថាជាអទិទេពដែលគ្រប់គ្រងមេឃ។ មហាសមុទ្រនេះមានទីតាំងនៅចន្លោះទ្វីបអាមេរិកខាងជើង និងទ្វីបអាមេរិខាងត្បូងប៉ែកខាងលិច ព្រមទាំងទ្វីបអាហ្វ្រិក និងទ្វីបអឺរ៉ុបប៉ែកខាងកើត។
ទី៣ មហាសមុទ្រឥណ្ឌា (Indian Ocean)
មហាសមុទ្រឥណ្ឌាជាមហាមុទ្រធំជាងគេលំដាប់ទី៣ក្នុងពិភពលោក ដែលមានផ្ទៃក្រលា ៧.៥លានគីឡូម៉ែត្រការ៉េ។ ជម្រៅជ្រៅបំផុតនៃមហាសមុទ្រនេះគឺ៨,០៤៧ម៉ែត្រ និងមានបរិមាណទឹកប្រមាណ ២៨៤លានគីឡូម៉ែត្រគូប។ មហាសមុទ្រនេះគ្របដណ្តប់២០%នៃបរិមាណទឹកនៅលើផែនដី។ តាំងពីឆ្នាំ៨០០នៃគ.សមក មហាសមុទ្រឥណ្ឌាគឺជាផ្លូវទឹកដ៏សំខាន់ក្នុងការធ្វើពានិជ្ជកម្ម។ មហាសមុទ្រឥណ្ឌាមានទីតាំងជាប់នឹងទ្វីបអាសុ៎ីប៉ែកខាងជើង ទ្វីបអូសេអានីប៉ែកខាងកើត និងទ្វីបអាហ្រ្វិកប៉ែកខាងលិច។
ទី៤ មហាសមុទ្រភាគខាងត្បូង (Southern Ocean)
មហាសមុទ្រភាគខាងត្បូង ឬហៅបានម្យ៉ាងទៀតថាមហាសមុទ្រអង់តាកទិចគឺជាមហាសមុទ្រធំទី៤ក្នុងពិភពលោក ដែលមានផ្ទៃក្រលាជាង២០.៣លានគីឡូម៉ែត្រការ៉េ។ ជម្រៅជ្រៅបំផុតនៃមហាសមុទ្រនេះគឺ ៣,៩៦០ម៉ែត្រ។ មហាសមុទ្រជាមហាសមុទ្រថ្មីជាងគេដែលត្រូវបានទទួលស្គាល់ដោយ International Hydrographic Organization ក្នុងឆ្នាំ២០០០។ មហាសមុទ្រនេះមានទីតាំងនៅព័ទ្ធជុំវិញទ្វីបអង់តាកទិច។
ទី៥ មហាសមុទ្រអាកទិច (Arctic Ocean)
មហាសមុទ្រអាកទិចគឺជាមហាសមុទ្រតូចជាគេលំដាប់ទី៥ក្នុងពិភពលោក ដែលមានផ្ទៃក្រលាជាង ១៤លានគីឡូម៉ែត្រការ៉េ។ ជម្រៅជ្រៅបំផុតនៃមហាសមុទ្រនេះមានជម្រៅ១,០៣៨ម៉ែត្រ និងមានបរិមាណទឹកប្រមាណ ១៨.០៧លានគីឡូម៉ែត្រគូប។ មហាសមុទ្រនេះជាមហាសមុទ្រដែលត្រជាក់ជាងគេ និងមានបរិមាណកម្រិតអំបិលតិចជាងគេ។ មហាសមុទ្រនេះមានទំហំប្រហាក់ប្រហែលនឹងប្រទេសរុស្ស៊ី ដែលជាប្រទេសធំជាងគេក្នុងពិភពលោក។ មហាសមុទ្រនេះមានទីតាំងនៅប៉ូលខាងជើង៕