សយ រតនៈ បង្ហាញភាពស្និទ្ធស្នាលជាមួយមិត្តភក្តិរួមជំនាន់ប្រឡងក្នុងកម្មវិធី The Voice Cambodia

លោក សយ រតនៈ គឺជាតារាចម្រៀងដែលកើតចេញពីកម្មវិធីប្រឡងចម្រៀងលំដាប់ថ្នាក់ពិភពលោក The Voice Cambodia រដូវកាលទី១ ដែលកាលនោះលោកស្ថិតនៅក្នុងកូនក្រុម Coach សោភា និងបានឆ្លងដល់វគ្គផ្តាច់ព្រ័ត្រ តែមិនទទួលបានជ័យលាភីឡើយ។

បច្ចុប្បន្ននេះតារាចម្រៀង សយ រតនៈ ក៏បានក្លាយជាសមាជិកក្នុងក្រុមហ៊ុនហង្សមាសហ្គ្រុប ហើយលោកកំពុងជ្រកកោននៅក្នុងផលិតកម្ម We ដែលជាបុត្រសម្ព័ន្ធរបស់ផលិតកម្មហង្សមាស ប្រមូលផ្តុំទៅដោយតារាចម្រៀងដែលប្រឡងធ្លាក់ក្នុងកម្មវិធី The Voice Cambodia រដូវកាលទី១។

យ៉ាងណាមិញកាលពីម្សិលមិញនេះម្ចាស់បទ “ស្រលាញ់គ្នាយូរបានទេ” បានបញ្ចេញនូវអារម្មណ៍ស្និទ្ធស្នាលជាមួយនឹងមិត្តភក្តិប្រឡងរួមជំនាន់ក្នុងពេលវេលាបរិភោគអាហារជុំគ្នាយ៉ាងរីករាយ។

ស្ថិតក្នុងទិដ្ឋភាពនៃការជួបជុំនោះយើងក៏ឃើញមានវត្តមានកញ្ញា ចំរើន សុភ័ក្ត្រ លោក ឃុន វុត្ថា កញ្ញា ប៉ាច គីមមួយ កញ្ញា សោម ស្រីនាថ រួមទាំងមិត្តភក្តិរបស់លោក សយ រតនៈ ជាច្រើនទៀតផងដែរ៕

សូមទស្សនារូបភាពខាងក្រោមនេះ៖