ស្នេហា៖ តើអ្នកធ្លាប់ ឆ្ងល់ទេថា ហេតុអ្វីមនុស្សប្រុស មួយចំនួនមិនសូវ ចូលចិត្តចុចឡាច លើរូបប្រពន្ធឬ សង្សាររបស់ខ្លួនឯង? តែដោយឡែក ចំពោះស្រីដទៃវិញគឺ ចុចចូលឡាច រហូតមិនដែលខាន នោះទេ នេះជាចម្ងល់ដែល មនុស្សស្រីភាគច្រើន ចង់ដឹងដូចគ្នាដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
មូលហេតុ អាចបណ្តាល មកពីកត្តា ផ្សេងៗខុសពីគ្នា។ មូលហេតុទី១ អាចបណ្តាលមកពី ដោយសារតែ ខាងប្រុសមិនចង់ ឲ្យអ្នកដទៃទៀត បានដឹងថា នារីម្នាក់នោះជា សង្សារឬជាប្រពន្ធ របស់ខ្លួន ព្រោះគេចង់រក្សា ទំនាក់ទំនងនោះ ឲ្យនៅជា លក្ខណៈឯកជន។ ដូច្នេះហើយទើបបានជា មិនចង់បង្ហាញ តាមរយៈការចុចឡាច ឬចូលទៅបញ្ចេញមតិអ្វី ដែលពាក់ព័ន្ធ ធ្វើឲ្យមិត្តភក្តិ បងប្អូន មិត្តរួមការងារ មានការចាប់អារម្មណ៍ ដឹងជាដើម។
មូលហេតុទី២គឺ ទម្លាប់របស់ មនុស្សប្រុសមួយចំនួន គឺបែបនេះ នៅពេលដែល មិត្តស្រីឬប្រពន្ធរបស់ខ្លួន បង្ហោះរូបមិន សូវជាចាប់អារម្មណ៍ ខ្វាយខ្វល់ច្រើន ដូចការបង្ហោះរូប របស់អ្នកដទៃ ទៀតនោះទេ។ អាចថា ព្រោះតែមាន អារម្មណ៍ថាជិតស្និទ្ធ នឹងគ្នារួចទៅហើយ ដូច្នេះទើបបានជា មិនសូវយកចិត្ត ទុកដាក់អាងថា បានឃើញនិង នៅជាមួយគ្នាខាងក្រៅ ក៏ដូចជាមានការសរសើរ ពេលជួបមុខគ្នា ផ្ទាល់ទៅហើយ។
មូលហេតុមួយទៀត ដូចពាក្យមួយតែង លើកឡើងថា របស់ដែលមាន នៅក្នុងដៃ មិនជាសូវខ្វាយខ្វល់ គិតគូច្រើន ពីរបស់ទាំងនោះទេ បើទោះបីជា របស់នោះមានតម្លៃ យ៉ាងណាក៏ដោយ តែបើរបស់ក្រៅខ្លួនវិញ បើទោះបីជា ដុំថ្មក៏ទុកជាពេជ្រដែរ។ ដូចគ្នាដែរ មនុស្សប្រុសមួយចំនួន នៅពេលដែលមាន មនុស្សស្រីដែលល្អ នៅក្បែរខ្លួនហើយ មិនជាសូវគិតផ្តល់តម្លៃ ចង់ថែរក្សានោះទេ តែបើឃើញ មនុស្សស្រីដទៃវិញ បង្ហោះរូបលើ បណ្តាញសង្គម ម្តងៗគឺថា ចូលទៅចុចឡាច បេះដូង ចុចចូលcomment ចង់បែកមេដៃហើយ។
សំណួរសួរថា ប្រសិនបើ អ្នកជាមនុស្សស្រី ម្នាក់នោះ ពេលដែលខ្លួន បង្ហោះរូបម្តងៗ មិត្តប្រុសមិនដែល ចុចឡាច សូម្បីម្តង តែរាល់ការបង្ហោះ របស់ស្រីផ្សេង គេចូលចុចឡាច សុទ្ធតែបេះដូងទៀត តើអ្នកមានអារម្មណ៍ បែបណាដែរ?
ច្បាស់ណាស់ ប្រាកដជាអន់ចិត្ត បើទោះបីជា គេដោះសារថានេះ គ្រាន់តែជា ការរាប់អាន ព្រោះតែជាមិត្តភក្តិ លើបណ្តាញសង្គម ជាមួយគ្នាទើប ចុចរូបបេះដូង ឲ្យក៏ដោយ។ ព្យាយាមយកចិត្ត គេដាក់ចិត្តយើង កុំថាឡើយ ចុចបេះដូង សូម្បីតែចុចឡាច ក៏មានអារម្មណ៍ ខឹងមួរម៉ៅដែរ។ ពេលខ្លះ ក្តីស្រលាញ់មិនបាច់ ត្រូវបង្ហាញតាម លក្ខណៈធំដុំជាមួយ កាដូតម្លៃថ្លៃៗនោះទេ ត្រឹមតែសកម្មភាព តិចតួចដោយ ចូលទៅឡាច ទៅComment ទាំងនោះ ក៏មនុស្សស្រីសប្បាយចិត្ត យកទៅណា មិនអស់ដែរ។ ត្រូវចាំថា គ្មានអ្វីដែលរីករាយ ជាងពេលដែលយើងបង្ហោះ រូបហើយមនុស្ស ដែលយើងស្រលាញ់ ចូលទៅចុចបេះដូង ហើយComment សរសើរថាស្អាត នោះទេជឿទៅ៕
Bong I.T