បារាំង៖ លោក Jean Pierre Papin ដែលជាអតីត ម្ចាស់ពាន Ballon d'Or ឆ្នាំ១៩៩១ បានថ្លែងកោតសរសើរទៅដល់ខ្សែប្រយុទ្ធឆ្នើមរបស់ក្លិបអធិរាជស Real Madrid គឺ Karim Benzema ថាគេជាកីឡាករដ៏គួរឲ្យញញើតតាំងពីចាប់ផ្ដើមលេងឲ្យ Real Madrid ម៉្លេះហើយគេគឺជាខ្សែប្រយុទ្ធដ៏ល្អបំផុតក្នុងជំនាន់របស់គេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សBenzema បានប្រឡូកក្នុងអាជីពជាកីឡាករបាល់ទាត់ដ៏លេចធ្លោរហូតឈានដល់ចំណុចមួយខ្ពស់បំផុតតាំងពីរូបគេមកចូលរួមជាមួយReal Madrid ក្នុងតម្លៃខ្លួន ៣៥លានផោន(ស្មើនឹងប្រមាណ៤៧.២លានដុល្លារ) ពីក្លិប Lyon ក្នុងឆ្នាំ២០០៩។
កីឡាករសញ្ជាតិបារាំងរូបនេះរកគ្រាប់បាល់បាន២៦១គ្រាប់ក្នុងការបង្ហាញខ្លួនសរុប៥៣១លើកសម្រាប់ក្លិប Real Madrid ដោយបានជួយក្រុមឲ្យឈ្នះពានដល់ទៅ១៨ពាន ដែលក្នុងនោះមានពានរង្វាន់ La Liga និង Champions League ៤ ឯណោះ។
Benzema ស៊ុតបញ្ចូលទីបាន១២គ្រាប់នារដូវកាលនេះដែលធ្វើឲ្យគេក្លាយជាកីឡាករ Real Madrid ដែលរកបានគ្រាប់បាល់ច្រើនជាងគេនៅរដូវកាលថ្មីនេះដោយគិតទាំងការប្រកួតក្នុងក្របខណ្ឌ La Liga និងការប្រកួតជាលក្ខណៈអន្តរជាតិដូចជា Champions League ជាដើម។
គ្រាប់បាល់ដែលគេរកបានចុងក្រោយបង្អស់គឺក្នុងការប្រកួតទល់នឹង Granada ក្នុងទឹកដីខ្លួនឯង នៅថ្ងៃទី២៤ខែធ្នូ ដែលរួមចំណែកជួយឲ្យ Real Madrid ឈ្នះក្រុមភ្ញៀវ ២ ទល់នឹង ០ ទៀតផង។
ដោយសារមើលឃើញសមត្ថភាពលេចធ្លោរបស់គេ ទើបលោក Papin ចាប់អារម្មណ៍លើ Benzema ណាស់និងថែមទាំងលើកសរសើរកីឡាករវ័យ៣៣ឆ្នាំរូបនេះប្រាប់ L'Equipe ថា៖
លោក Papin ក៏បាននិយាយថា Karim Benzema ឥលូវនេះពិតជាខុសប្លែកកាលពីពេលដែលគេលេងទន្ទឹមគ្នានឹង Cristiano Ronaldo ដែលបានចាកចេញពី Real Madrid ទៅចូលរួមជាមួយ Juventus ក្នុងឆ្នាំ២០១៨។
គួរបញ្ជាក់ផងដែរថា Benzema នឹងត្រឡប់មករត់លើទីលានវិញក្នុងការប្រកួតទល់នឹង Elche នៅយប់ថ្ងៃពុធឈានចូលថ្ងៃព្រហស្បតិ៍ នេះហើយ៕
ប្រភព៖ goal