ចេះ​ធ្វើ​ម្ហូប​អីខ្លះ? តោះ​​រៀន​​​ធ្វើ ខ​សាច់​​ទា​ជាមួយ​​ទំពាំង​​ក្រៀម​​ផ្សិត​ខ្សិត​ ​«រសជាតិប្លែកមាត់​» ម្តង

ទៅផ្សាររាល់ថ្ងៃពិបាករកនឹកថាត្រូវធ្វើម្ហូបអីដើម្បីញ៉ាំមែនទេ?  តោះមករៀនធ្វើ ខសាច់ទាជាមួយទំពាំងក្រៀមផ្សិតខ្សិត ទាំងអស់គ្នាធានាថារសជាតិឆ្ងាញ់កប់ម៉ង។ ចាំកាលទៀតតោះ យកប៊ិចយកសៀវភៅមកកកត់គ្រឿងផ្សំនឹងរបៀប​ធ្វើទាំងអស់គ្នា៖

គ្រឿងផ្សំ៖

• ខ្ទឹមក្រហម
• មើមខ្ញី
• ខ្ទឹមស
• គល់ជីវ៉ាន់ស៊ុយ
• អំបិលម៉ុត់
• ម្រេចម៉ត់
• ម្សៅស៊ុប(ប៊ិចេង)
• ទឹកត្រី
• ស្ករត្នោត
• ទឹកប្រេងខ្យង
• សាច់ទា
• ផ្សិតខ្មៅ
• ទំពាំងក្រៀម។

របៀបចម្អិន៖

1. ចាក់ប្រេងសណ្ដែកចូលឆ្នាំងដែលកំពង់ក្ដៅ បន្ទាប់មកយើងចាក់ ខ្ទឹមស ខ្ទឹមក្រហម ខ្ញី​ និង​គល់ជីវ៉ាន់​ស៊ុយ​ចូលក្នុងឆ្នាំង ធ្វើការរំលីងគ្រឿងឲ្យឡើងក្រហមនឹងមានក្លិនឆ្ងុយ។
2. បន្ទាប់ពីគ្រឿងខាងលើឡើងឆ្ងុយហើយយើងត្រូវដាក់ស្ករត្នោតចូល នឹងរំលីងឲ្យស្ករឡើងក្រហម ចាក់ទឹកត្រី ទឹកប្រេងខ្យង អំបិល ម្រេចនឹងប៊ីចេងចូលទៅក្នុងឆ្នាំង ធ្វើការកូរឲ្យល្បាយចូលគ្នា ។
3. ចាក់សាច់ទាចូលក្នុងល្បាយខាងលើកូរឲ្យសព្វដើម្បីឲ្យចូលគ្រឿងគ្នាល្អ ចាក់ទឹកសចូលរួច​ធ្វើការរំងាស់រហូត​ដល់សាច់ទាផុយល្អ។
4. បន្ទាប់ពីរំងាស់បានសាច់ទាផុយល្អហើយយើងចាស់ទំពាំងក្រៀមចូល ហើយរំងាស់ម្ដងទៀត បន្ទាប់មកទុក​ដល់វាផុយ​ល្អទើបយើងចាក់ផ្សិតខ្មៅចូល។ ជាចុងបញ្ចប់ថែមថតគ្រឿងទេសតាមចំណង់​ចំណូលចិត្តជា​ការស្រេច៕