អង់គ្លេស៖ ក្លិបកាំភ្លើងធំ Arsenal បានចូលរួមប្រកួតប្រជែងជាមួយក្លិប Leeds United ក្នុងការដាក់សំណើទិញយកខ្សែបម្រើវ័យក្មេងម្នាក់របស់ក្លិបអ្នកមានបុណ្យ Barcelona គឺ Riqui Puig ដែលត្រូវលោកគ្រូបង្វឹក Ronald Koeman មិនដាក់ឈ្មោះឲ្យចូលប្រកួតនិងចំណាយពេលអង្គុយកៅអីបម្រុងសឹងតែរាល់ការប្រកួតទៅហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សArsenal ចង់បាន Puig មកចូលរួមក្រុមនៅពេលទីផ្សារដោះដូរកីឡាករខែមករាបើកទ្វារ ព្រោះក្លិបកំពុងត្រូវការខ្សែបម្រើជាខ្លាំងដើម្បីយកមកពង្រឹងតំបន់បម្រើរបស់ក្រុមខណៈលោកគ្រូបង្វឹក Mikel Arteta ដឹកនាំក្រុមមិនសូវបានល្អនិងមានចន្លោះប្រហោងផ្នែកតំបន់ប្រយុទ្ធនិងបម្រើ។
កីឡាករវ័យ២១ឆ្នាំរូបនេះក៏ធ្លាប់ត្រូវលោកគ្រូ Koeman ប្រាប់គេឲ្យស្វែងរកក្លិបថ្មីក្នុងលក្ខខណ្ឌខ្ចីជើងដែរព្រោះគេមិនបាននៅក្នុងផែនការ របស់លោកគ្រូឡើយប៉ុន្តែ Puig ផ្ទាល់ធ្លាប់បដិសេធការផ្ទេរទៅក្លិបផ្សេងដោយគេបង្ហាញមហិច្ឆតាចង់ស្នាក់នៅ Barcelona បន្តដើម្បីរកឱកាសពិសោធន៍ខ្លួនឯង។
យ៉ាងណាមិញ យោងតាមការរាយការណ៍ Barcelona អាចនឹងដាក់លក់ Puig នៅទីផ្សារខែមករានេះហើយខណៈដែលក្រៅពីក្លិប Arsenal គឺ Leeds ក៏កំពុងក្រវែលៗសម្លឹងឃើញខ្សែបម្រើវ័យក្មេងនេះដែរ។
Arsenal អាចនឹងរង់ចាំមើលសមត្ថភាពនៃការលេងរបស់ Riqui Puig បន្តបន្តិចទៀតដើម្បីវិភាគថាតើបើគេផ្ទេរមកទឹកដី Emirates មែន តើគេអាចសម្របខ្លួនជាមួយក្លិបថ្មីនិងបង្ហាញទម្រង់លេងល្អដូចកាលគេនៅ Barcelona ឬអត់។
គួរបញ្ជាក់ផងដែរថា នៅរដូវកាលថ្មីនេះ លោកគ្រូ Koeman ពិតជាមិនពេញចិត្តនឹង Puig ឡើយព្រោះរូបគេមាននាទីចូលលេងបានបន្តិចបន្តួចបំផុតគឺបង្ហាញខ្លួនបានតែ១ដងប៉ុណ្ណោះក្នុងជំនួបទល់នឹង Juventus ដែល Barcelona ចាញ់ ៣-០ ក្នុងដៃខ្លួនឯងនោះហើយ។
លោកគ្រូថែមទាំងមានជម្លោះទាស់ទែងជាមួយ Puig ថែមទៀតផងដោយកាលណោះ លោកគ្រូចោទថា Puig ជាអ្នកទម្លាយព័ត៌មានដែលលោកគ្រូបានប្រាប់រូបគេឲ្យស្វែងរកក្លិបថ្មីកាលពីដើមរដូវកាលនេះអ៊ីចឹងហើយ Puig អាចនឹងមានភាគរយចាកចេញពី Barcelona បើសិនគេចង់មានឱកាសបានរត់នៅលើទីលានសាជាថ្មី។
ក្រៅពី Riqui Puig ក្លិបកាំភ្លើងធំ Arsenal ក៏កំពុងតាមសម្លឹងឃើញខ្សែបម្រើ Houssem Aouar របស់ក្លិប Lyon ផងដែរដូច្នេះក្លិបអាចនឹងកំពុងសិក្សាថាតើគួរជ្រើសរើសកីឡាករម្នាក់ណា៕
ប្រភព៖ thesun