ម៉េចអ៊ីចឹង?ការប្រកួតរវាង Everton ជាមួយ Man City ត្រូវពន្យាពេលព្រោះតែ...

ខាង Manchester City អាចបញ្ជាក់បានថាការប្រកួតរវាង Manchester City និង Everton ត្រូវបានពន្យាពេល បន្ទាប់ពីរកឃើញថាកីឡាករមានករណីឆ្លងវីរុសកូរ៉ូណាដោយករណីថ្មីនេះបូកបន្ថែមពីលើ៤ករណីផ្សេងទៀតដែលទើបរកឃើញនៅថ្ងៃបុណ្យណូអែលកន្លងទៅ។​ វាអាចនឹងមានភាគរយខ្ពស់ដែលវីរុសនោះបានចម្លងដល់កីឡាករនិងបុគ្គលិក។

យោងទៅតាមការណែនាំដ៏តឹងរឹង របស់ក្របខណ្ឌ Premier League និងបន្ទាប់ពីបានធ្វើការពិភាក្សារវាងក្លិបទាំងពីររួចមក ពួកយើងបានសម្រេចពន្យាពេលការប្រកួតនេះ ហើយកីឡាករនិងបុគ្គលិកទាំងអស់ដែលធ្វើតេស្តរកឃើញថាមានវីរុសកូរ៉ូណា ត្រូវតែស្នាក់នៅដាច់ដោយឡែកពីអ្នកដទៃស្របទៅតាមច្បាប់របស់ចក្រភពអង់គ្លេសនិងច្បាប់ក្នុងក្របខណ្ឌ Premier League។ក្នុងនោះទីលានហ្វឹកហាត់របស់ក្រុមឈុតធំនឹងត្រូវបិទទ្វារក្នុងរយៈពេលសមស្របមួយ ហើយអ្នកឆ្លងទាំងអស់ត្រូវធ្វើតេស្តជាប្រចាំ។ ការសម្រេចចិត្តបន្តបន្ទាប់ទៀតនឹងធ្វើត្រូវឡើងថាពេលណាការហ្វឹកហាត់ដំណើរការឡើងវិញ។

ការកើនឡើងនៃករណីឆ្លងវីរុសកូរ៉ូណាបានធ្វើឲ្យមានភាពស្រពេចស្រពិលក្នុងការបន្តការប្រកួត ហើយបូកផ្សំនឹងការណែនាំពីផ្នែកសុខាភិបាលផងនោះទើបឈានដល់ការសម្រេចពន្យាពេលការប្រកួតដូច្នេះ។ថ្នាក់ដឹកនាំរបស់ក្របខណ្ឌ Premier League និងធ្វើការរៀបចំការប្រកួតនេះឡើងវិញ ដោយមានការប្រុងប្រយ័ត្នខ្ពស់ ហើយនឹងធ្វើតេស្តម្ដងទៀតនៅថ្ងៃស្អែកនេះហើយការសម្រេចចិត្តទាំងអស់គឺគិតជាចម្បងទៅលើសុខភាពរបស់កីឡាករនិងបុគ្គលិក។ ក្របខណ្ឌ Premier League នឹងបន្តជឿជាក់លើប្រសិទ្ធភាពនៃច្បាប់ដែលបានដាក់ចេញដែលក្លិបទាំងអស់បានអនុវត្តតាម។