លោក ​យឹម តាស្រង់​ បង្ហើប​ពី​​ឈ្មោះ​ក្រុមហ៊ុន​​ធំ​​មួយ ​ដែល​ហ៊ាន​ជួល ​តន់ ​​ចន្ទស៊ីម៉ា ក្នុង​តម្លៃ​ខ្ពស់​ដាច់​គេ​

បើយើងនិយាយពីឈ្មោះ យឹម តាស្រង់ លោកអ្នកប្រាកដជានឹកដល់កវីជើងចាស់​មានទេពកោសល្យខ្ពស់ខាងតែង​និពន្ធ​ដែលបានជួយលើកកញ្ញា តន់ ចន្ទស៊ីម៉ា ល្បីស្ទើរតែគ្រប់បទទាំងអស់។ ម្ចាស់ស្នាដៃសង្សារកាប់ដាវរូបនេះ​ ធ្លាប់​ត្រូវ​បានសារព័ត៌មានក្នុងស្រុកចុះផ្សាយជាហូរហែរ បន្ទាប់ពីលោកបានប្រកាសដាក់តម្លៃខ្លួនចេញច្រៀងឲ្យកញ្ញា តន់ ចន្ទស៊ីម៉ា ក្នុងតម្លៃដល់ទៅ ២ម៉ឺនដុលា ក្នុងការចេញសម្ដែងមួយលើកៗ។ គួររំលឹកដែលថាដំណឹងនេះបានធ្វើឲ្យមហាជនភ្ញាក់ផ្អើលជាខ្លាំង តែជុំវិញរឿងនេះលោកយឹម តាស្រង់ក៏បានចេញ​ការបកស្រាយម្ដងទៀតថា តម្លៃខ្លួនរបស់កញ្ញារូបស្រស់នេះវាជារឿងពិត។

ហើយថ្មីៗនេះផងដែរ នៅលើគណនេយ្យហ្វេសប៊ុកផ្លូវការមួយដែលមានឈ្មោះថា Yem Tasrong បានសរសេររៀប​រាប់​ថា "ក្រុមហ៊ុនដែលហ៊ានជួលឲ្យតម្លៃអ្នកចម្រៀងខ្មែរថ្លៃជាងគេនៅកម្ពុជាគឺ Smart ហ្នឹងឯង" តែគេនៅមិនទាន់ដឹង​នៅឡើយទេថា តើក្រុមហ៊ុន Smart បានផ្ដល់តម្លៃខ្លួនប៉ុន្មានទេឲ្យទៅកញ្ញា តន់ ចន្ទស៊ីម៉ានោះ៕