លោកគ្រូ លី ធារ៉ា គ្រូបង្វឹកក្រុមជម្រើសខេត្តសៀមរាប និង ក្រុមសៀមរាប អេហ្វស៊ី បានជួបគ្រោះថ្នាក់ចរាចរណ៍

កាលពីថ្មីៗនេះយោងតាមទំព័រហ្វេសប៊ុកផ្លូវការរ​បស់ក្លិបបាល់ទាត់សៀមរាប អេហ្វ ស៊ី និង អនុវិទ្យាល័យ ហ៊ុន សែន រលួស បានឱ្យដឹងដែរថា លោកគ្រូ លី ធារ៉ា ដែលជាគ្រូបង្រៀននៅអនុវិទ្យាល័យ ហ៊ុន សែន រលួស ជាគ្រូបង្វឹកក្រុមជម្រើសខេត្តសៀមរាប និង សៀមរាបអែហ្វ ស៊ី បានជួបនូវគ្រោះថ្នាក់ចរាចរណ៍នៅត្រង់ម្តុំស្ពានវត្តរលួស ដែលស្ថិតនៅក្នុងឃុំរលួស ស្រុកប្រាសាទបាគង ខេត្តសៀមរាប។ ដោយស្ថានភាព​ លោកគ្រូ​ លី​ ធា​រ៉ា​ មានសភាពប៉ះផ្នែកទង្គិចក្បាល​ច្រេីន​ (​ដោយ​បាក់ឆ្អឹងផ្នែកថ្ពាល់ខាងឆ្វេង​ នឹងមានឈាមកក​នៅក្នុងខួរក្បាល​កំរិតតូចផងដែរ) ហេីយក្រុមការងារក្លិប​ Siem Reap FC បានពីភាក្សាជាមួយក្រុមគ្រួសារ​ លោកគ្រូ​ និងមានការពន្យល់ណែនាំពីពេទ្យនៅក្នុងខេត្តសៀមរាប​ បានសម្រេចចិត្តបញ្ជូនលោកគ្រូទៅកាន់ពេទ្យកាល់ម៉ែត្រ​ រាជធានី​ភ្នំពេញ​ ដេីម្បីតាមដានស្ថានភាពជំងឺ​ នឹងព្យាបាលជាបន្ត​។

យោងតាមទំព័រផ្លូវការរបស់អនុវិទ្យាល័យ ហ៊ុន សែន រលួស៖

គួរបញ្ជាក់ផងដែរថា លោកគ្រូ ជាបុគ្គលមួយរូបដែលបានសាងស្នាដៃជាច្រើនក្នុងវិស័យបាល់ទាត់ នៅក្នុងខេត្តសៀមរាប គាត់ធ្លាប់ដឹកនាំក្រុមជម្រើសខេត្តសៀមរាប បានឡើងទៅដល់វគ្គផ្តាច់ព្រ័ត និង ពាក់កណ្តាលផ្តាច់ព្រ័តនៃពានរង្វាន់សម្តេចអគ្គមហាសេនាបតីតេជោហ៊ុនសែនថ្នាក់ខេត្ត មិនត្រឹមតែប៉ុណ្ណោះគាត់បានលះបង់ទាំងកម្លាំងកាយចិត្តក្នុងការបង្ហាត់បង្រៀននិងបណ្តុះបណ្តាលកីឡាករក្រោមឱវាទរបស់គាត់រហូតដល់ពួកគេមានសមត្ថភាពនិងទម្រង់លេងល្អដែលជាធនធានមួយដែលកម្ពុជាកំពុងត្រូវការ។

ជាចុងក្រោយយើងខ្ញុំសូមជូនពរឱ្យលោកគ្រូឆាប់ជះផុតពីគ្រោះចង្រៃមួយនេះ និង ឆាប់បានជាសះស្បើយដើម្បីអាចវិលត្រឡប់ចូលទីលានវិញដើម្បីបានបង្ហាត់បង្រៀននិងបណ្តុះបណ្តាលយុវជនដើម្បីបង្កើតនៅធនធានកីឡាករនៅកម្ពុជាឱ្យកាន់តែច្រើនដើម្បីឱ្យវិស័យបាល់ទាត់នៅកម្ពុជាកាន់តែរីកចម្រើនទៅមុខរហូត៕