រាជធានីភ្នំពេញ ៖ រថយន្តកាមរីមួយគ្រឿងបុករថយន្ដដឹកទឹកកកដែលកំពុងបើកឆ្លង ផ្លូវបណ្តាលឱ្យបែកធុងប្រេងហូរពេញថ្នល់រអិលដល់អ្នកធ្វើដំណើរ តាមផ្លូវនៅចំណុចផ្លូវកែងលេខ១២៨កែងផ្លូវលេខ២៥៣ ក្នុងសង្កាត់ទឹកល្អក់ទី១ ខណ្ឌទួលគោក កាលពីវេលាម៉ោង១១និង៤០នាទីថ្ងៃត្រង់ថ្ងៃទី៧ មេសា ។
ប្រភពព័ត៌មានពីកន្លែងកើតហេតុបានឱ្យដឹងថា រថយន្ដកូរ៉េ ចំណុះ២តោន ដឹកទឹកកក ពណ៌ខៀវ បើកតាមផ្លូវលេខ២៥៣ ពីជើងទៅត្បូង កំពុងបើកឆ្លងផ្លូវ ។ ចំណែករថយន្ដកាមរីស៊េរី២០០៧ ពណ៌ទឹកប្រាក់ ជិះគ្នា២នាក់ ជាមនុស្សប្រុស បើកតាមផ្លូវលេខ១២៨ ពីលិចទៅកើត។ លុះទៅដល់ចំណុចកើតហេតុរថយន្ដកាមរីជ្រុលទៅបុករថយន្ដដឹកទឹកកក បណ្ដាលឱ្យបែកធុងប្រេងហូរពេញថ្នល់ធ្វើឱ្យរអិលដល់អ្នកធ្វើដំណើរ ឆ្លងកាត់ផ្លូវ ។
ក្រោយពេលកើតហេតុសមត្ថកិច្ចខណ្ឌទួលគោកបានចុះ ទៅធ្វើការវាស់វែង និងអន្ដរាគមន៍ឱ្យរថយន្ដទាំងពីរគ្រឿងបើកទៅចតនៅចិញ្ចើមផ្លូវ ដើម្បីកុំឱ្យកកស្ទះចរាចរ ហើយធ្វើការដោះស្រាយតាមក្រោយទៀត៕
បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]