មិន​បាច់​តបត​អ្នក​ណា! ៣ ឃ្លា​​សម្រាប់​លើក​ទឹក​ចិត្ត​ខ្លួនឯង «ឲ្យ​មាន​តម្លៃ​» ជា​ពិសេស​នៅ​កន្លែង​ធ្វើការ​​

មនុស្សគ្រប់គ្នានៅលើផែនដីនេះ អ្នកណាក៏តែងតែជួបបញ្ហាដែលមិនថា ការសិក្សារ ការងារ ស្នេហា ឬ បញ្ហាជីវិត​ជាដើម​។ តែបញ្ហាទាំងនោះ អាចដោះស្រាយបានយ៉ាងងាយស្រួលនៅពេលអ្នកមានកម្លាំងចិត្តគ្រប់គ្រាន់។ខាងក្រោមនេះ​ជាពាក្យ ៣ឃ្លា ដែលអាចអោយយើង លើកកម្លាំងចិត្តខ្លួនឯងបាន៖

ឃ្លាទី១: ពេលអ្នកយល់ថាខ្លួនរៀនមិនល្អដូចចិត្ត

ពេលការសិក្សាអ្នកជួបបញ្ហា អ្នកគួរនិយាយលើកទឹកចិត្តខ្លួនឯងថា៖

“ខ្ញុំខំរៀន មិនមែនដើម្បីអួតអ្នកណាទេ គឺចង់ឲ្យខ្លួនឯងបានចេះដឹង និងមានអនាគតល្អប៉ុណ្ណោះ”។

ឃ្លាទី២: ពេលអ្នកជួបរឿងមិនគាប់ចិត្តនៅកន្លែងការងារ

នៅកន្លែងការងារ យើងត្រូវធ្វើការជាមួយមនុស្សច្រើនប្រភេទណាស់ ចឹងបញ្ហាក៏គង់តែមានដែរ។ ដូចនេះពេលមាន​បញ្ហា​ អ្នកគួរនិយាយលើកទឹកចិត្តខ្លួនឯងថា “ខ្ញុំខំធ្វើការងារ មិនមែនដើម្បីផ្គាប់ចិត្តអ្នកណាទេ គឺចង់ឲ្យខ្លួនឯង​មាន​តម្លៃតែប៉ុណ្ណោះ”។

ឃ្លាទី៣: ពេលអ្នកត្រូវគេបៀតបៀន ឬនិយាយស្តីបន្ទោស

មនុស្សយើងកើតមកស្ថិតនៅក្នុងស្ថានភាពខុសគ្នា ហើយអ្វីដែលយើងមាន គេអាចមានសិទ្ធិមិនពេញចិត្ត ឬសើចចំអក​អោយ​យើងជារឿងគេ ព្រោះវាជាសម្តីដែលគេអាចនិយាយមកបាន តែបើជួបរឿងបែបនេះ អ្នកគួរលើកទឹកចិត្តខ្លួនឯង​ដោយ​ប្រើពាក្យថា “ខ្ញុំមិនគុំគួន មិនមែនខ្ញុំខ្លាចគេទេ តែខ្ញុំមិនចង់ឲ្យខ្លួនឯងមិនសប្បាយចិត្ត និងគិតរឿង​មិនបាន​ការ​ប៉ុណ្ណោះ”។

ទាំងនេះជាពាក្យ ៣ឃ្លាដែលអាចជួយអ្នកអោយមានកម្លាំងចិត្ត ហើយរឹងមាំប្រឈមមុខនឹងបញ្ហាដែល ចូលមក​ជីវិតអ្នកបាន។ ចូរចាំថា បើអ្នកមិនស្រលាញ់ និងយកចិត្តទុកដាក់លើខ្លួនឯងទេ នឹងគ្មានអ្នកណា​មក​ជួយអ្នក​បាន​នោះឡើយ៕