អង់គ្លេស៖ អ្នកចាំទីរបស់ក្រុមកាំភ្លើងធំ Arsenal Alex Runarsson បានលុបគណនីណ្ដាញសង្គម Twitter របស់ខ្លួនចោលបន្ទាប់ពីចាញ់ក្រុមមេឃខៀវ Manchester City កាលពីម្សិលមិញក្នុងលទ្ធផល៤ ទល់នឹង ១ នៅទឹកដីខ្លួនឯង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្នកចាំទីដៃទី២វ័យ២៥ឆ្នាំរូបនេះបានទទួលរងការវាយប្រហាររិះគន់ជាច្រើនពីសំណាក់អ្នកគាំទ្ររបស់ Arsenal ក្រោយរូបគេបង្កកំហុសឆ្គងមួយដ៏ពិបាកនឹងមើលរំលងពេលប៉ះMan City។
នៅនាទីទី៥៤ Runarsson ច្រឡំទះបាល់ Free Kick ដែលស៊ុតដោយ កីឡាករ Riyad Mahrez នៃក្លិប Man City ឲ្យចូលទីខ្លួនឯង ដែលនោះបានធ្វើឲ្យក្លិបមេឃខៀវនាំមុខ Arsenal ២ ទល់នឹង ១ នៅដើមតង់ទី២ ។
អ្នកចាំទីសញ្ជាតិអ៊ីស្លង់រូបនេះដូចជារាងភ័យៗនិងគ្រប់គ្រងអារម្មណ៍ខ្លួនឯងមិនសូវបានពេលកីឡាកររបស់ Man City ចេះតែសម្រុកមករកដូចទឹកបាក់ទំនប់។
Runarsson បានចូលរួមជាមួយ Arsenal នៅខែកញ្ញានេះឯង ដែលផ្ទេរពីក្លិប Dijon ថែមទាំងបានបង្ហាញខ្លួនលើកដំបូងក្នុងក្របខណ្ឌ Europa League ទៀតផង។
ទាក់ទងនឹងរឿងនេះដែរ លោកគ្រូបង្វឹក Mikel Arteta ដែលកំពុងទទួលរងសំពាធពីអ្នកគាំទ្រក៏ដូចជាក្លិបផ្ទាល់បានផ្ដល់បទសម្ភាសន៍ការពារ កូនក្រុមខ្លួនឯងក្រោយចប់ការប្រកួតនោះថា៖
ស្រាប់តែកាលពីប៉ុន្មានម៉ោងមុន Alex Runarsson បានបើកដំណើរការគណនី Twitter របស់ខ្លួនឡើងវិញក្រោយស្ងប់អារម្មណ៍បានហើយ។ អ្នកចាំទីម្នាក់នេះថែមទាំងបានបង្ហោះសាមួយជូនដល់អ្នកគាំទ្ររបស់ក្លិបកាំភ្លើងធំ Arsenal ដោយសរសេរថា៖
ប្រភព៖ sportbible