សង្ស័យមក Camp Nou ហើយ! ភ្នាក់ងារកីឡាករ Arsenal ម្នាក់បានចេញមុខបញ្ជាក់ថា បានចរចាជាមួយ Barca ពិតមែន

អង់គ្លេស៖ ភ្នាក់ងារតំណាងរបស់ខ្សែការពារ Shkodran Mustafi បានចេញមុខបញ្ជាក់ហើយថាគេពិតជាបានណាត់ជួបចរចារឿងដំណើរការផ្ទេររបស់ខ្សែការពាររូបនេះជាមួយអ្នកតំណាងក្លិប Barcelona ពិតប្រាកដមែន ក្រោយកាលពីមួយខែមុនលេចឮពាក្យចចាមអារ៉ាមថា Barcelona ចង់បាន Mustafi មកពង្រឹងតំបន់ការពារដែលរាងដុនដាបជាងមុន។

ភ្នាក់ងារនោះក៏បានបង្ហើបទៀតថា Barcelona ចង់បាន Mustafi ពេលទីផ្សារដោះដូរកីឡាករខែមករាបើកទ្វារខណៈដែលគេចង់ចាកចេញពីទឹកដី Emirates ព្រោះកុងត្រារបស់គេជាមួយក្លិបនឹងផុតកំណត់នៅចុងរដូវកាលនេះហើយ។

យោងតាមការរាយការណ៍បានឲ្យដឹង Mustafi មិនបានបន្តកុងត្រាថ្មីជាមួយក្លិបកាំភ្លើងធំ Arsenal ដែលខំស្នើកុងត្រាថ្មីដល់រូបគេនោះឡើយហើយខ្សែការពារវ័យ២៨ឆ្នាំរូបនេះទំនងជាចង់ទៅចូលរួមជាមួយក្លិបអ្នកមានបុណ្យ Barcelona នៅប្រទេសអេស្ប៉ាញជំនួសវិញស្របពេលដែលោកគ្រូបង្វឹកសញ្ជាតិហូឡង់ Ronald Koeman កំពុងត្រូវការចម្រាញ់យកខ្សែការពារកំពូលៗមកទប់ទល់កំផែងក្រុម។

កីឡាករ Yusuf Demir វ័យ១៧ឆ្នាំដែលលេងឲ្យក្លិប Rapid Vienna ក៏បានផ្ទុះពាក្យចចាមអារ៉ាមថារូបគេនឹងផ្ទេរមកលេងនៅ Barcelona ដែរពេលភ្នាក់ងាររបស់រូបគេឈ្មោះ Emre Ozturk បានបង្ហោះរូបភាពមួយពីទីក្រុង Barcelona ជាមួយពាក្យថា "ត្រៀមរួចរាល់ហើយសម្រាប់ការណាត់ជួបគ្នា"។

ពេលឃើញដូច្នេះគ្រប់គ្នាសុទ្ធតែគិតថា Emre Ozturk ទៅចរចាជាមួយ Barcelona រឿងការផ្ទេររបស់ Yusuf Demir ប៉ុន្តែផ្ទុយទៅវិញភ្នាក់ងារម្នាក់នោះបានចេញមុខបកស្រាយការពិតប្រាប់ SPOX ថា៖

ខណៈនោះដែរ លោកគ្រូបង្វឹក Mikel Arteta បានថ្លែងបញ្ជាក់ហើយថាកីឡាករក្នុងក្លិបអាចនឹងមានអ្នកចាកចេញ៖

គួរបញ្ជាក់ផងដែរថា Shkodran Mustafi ចូលលេងឲ្យ Arsenal នៅរដូវកាលនេះបានតែ២ប្រកួតប៉ុណ្ណោះនិងមិនទាន់រកគ្រាប់បាល់ឬបញ្ជូនបាល់ឲ្យមិត្តរួមក្រុមបាននៅឡើយទេ៕

ប្រភព៖ metro