ប្លែក! KFC ផលិតឧបករណ៍លេងហ្គេមដែលអាចកម្តៅសាច់មាន់បាន (មានវីដេអូ)

បរទេស៖ KFC បានសហការជាមួយ Cooler Master បង្ហាញរូបរាងឧបករណ៍ game console ដែលមានរាងដូចធុង ព្រមទាំងអាចកម្តៅមាន់ឱ្យក្តៅបានទៀតផង។ KFC បាននិយាយថា ឧបករណ៍ដែលមានរាងដូចធុងនេះ គឺជាឧបករណ៍ដំបូងលើលោកដែលមានម៉ាស៊ីនកម្តៅនៅខាងក្នុងរក្សាឱ្យសាច់មាន់នៅក្តៅៗ ដែលអាចឱ្យអ្នកលេងហ្គេមបរិភោគបាន ពេលកំពុងលេងហ្គេម។

KFConsole អាចជាម៉ាស៊ីនដែលមានល្បឿនលឿនគួរសម ព្រោះវាត្រូវបានបំពាក់ដោយ Intel Nuc9 Extreme Compute Element ដែលយើងហៅថា «ស្តេចហ្គេមកុំព្យូទ័រថ្មី» ។ វារួមបញ្ចូលទាំង NVIDIA GPU និងស៊ីភីយូ Intel រួមជាមួយនឹង 1TB Seagate NVME SSD។ Cooler Master អះអាងថាឧបករណ៍នេះដាក់ប្រព័ន្ធ VR (virtual reality) រួចស្រេច ដែលអាចគាំទ្រ ray tracing និងអាចលេងហ្គេមវីដេអូលើទូរទស្សន៍កម្រិត 4K និងមាន frame rates រហូតដល់ 240 fps។

ក្រៅពីនេះទៀត លក្ខណៈពិសេសដែលលេចធ្លោនោះគឺម៉ាស៊ីននេះមានកន្លែងកម្តៅមាន់ដែលស្រដៀងនឹងថាសបំពងខ្លាញ់ដែលជាថតពិសេសដែលអាចផ្តល់កម្តៅដោយប្រើ «កម្តៅធម្មជាតិនិងខ្យល់»។ មិនមានការបញ្ជាក់ណាមួយថាតើម៉ាស៊ីននេះនឹងបញ្ចេញផ្សែងហ៊ុយៗពេលកម្តៅមាន់ឬក៏អត់នោះទេ បើពិតជាមែននោះវាអាចបំផ្លាញកុំព្យូទ័របាន។

ឥឡូវនេះ KFConsole បានចូលរួមក្នុងបញ្ជីឧបករណ៍ហ្គេមដែលអាចលេងហ្គេមផងហើយក៏ មានជារបស់ញុំាផងដែរ។ គេមិនបានដឹងថានៅពេលណាដែលវាត្រូវគេដាក់លក់​ ហើយសូម្បីតែតម្លៃក៏គេមិនដឹងផងដែរ៕