បារាំង៖ ខ្សែប្រយុទ្ធរបស់ក្លិប Lyon កីឡាករ Moussa Dembele បានទទួលរងរបួសបាក់ដៃម្ខាងក្នុងកំឡុងពេលហ្វឹកហាត់ខណៈដែលរូបគេទើបតែជាប់ជម្រើស១១នាក់ដំបូងបាន២ប្រកួតប៉ុណ្ណោះទាំងដែលគេរកបានដល់ទៅ២៤គ្រាប់នៅរដូវកាលមុន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករវ័យ២៤ឆ្នាំរូបនេះដូចជាមិនសូវកាក់កបប៉ុន្មានក្នុងរដូវកាលថ្មីនេះដោយរកបាន១គ្រាប់ក្នុងជំនួបរវាង Lyon និងក្លិប Reims ក្នុងក្របខណ្ឌLigue 1 កាលពីខែវិច្ឆិកា។
លោកគ្រូបង្វឹក Rudi Garcia បានថ្លែងទាក់ទងនឹងស្ថានភាពរបស់ Dembele ថា៖
សម្ដីនោះបញ្ជាក់ថាលោកគ្រូក៏មិនអាចកំណត់ពេលដែល Moussa Dembele អាចជាសះស្បើយនិងត្រឡប់មកលេងលើទីលានបានពេលណានោះដែរស្ដែងឱ្យដឹងថាស្ថានភាពរបួសអាចនឹងធ្ងន់ធ្ងរគួរសម។
Dembele បង្ហាញខ្លួនឲ្យ Lyon បាន៧៣ប្រកួតតាំងពីរូបគេផ្ទេរពីក្លិប Celtic នៅឆ្នាំ២០១៨មកម៉្លេះ ប៉ុន្តែទម្រង់លេងរបស់គេនារដូវកាលនេះធ្វើឲ្យគេកំពុងប្រឈមមុខនឹងការត្រូវក្លិបដាក់លក់នៅខែមករាខាងមុខ។
ពេលនេះ Lyon កំពុងឈរនៅលេខ២ក្នុងតារាងក្របខណ្ឌ Ligue 1 របស់បារាំង បន្ទាប់ពីក្រុមប្រកួតមិនដែលចាញ់១៣ប្រកួតជាប់ៗគ្នាហើយ៕
ប្រភព៖ skysports