អង់គ្លេស៖ លោក Gary Neville និង Jamie Carragher បានជ្រើសរើសក្លិបបាល់ទាត់មួយដែលមានប្រៀបជាងគេក្នុងការដណ្ដើមជ័យលាភីពានរង្វាន់ Premier League គឺហង្សក្រហម Liverpool ដែលក្នុងនោះលោក Neville បានទស្សទាយថា ក្លិបតោខៀវ Chelsea មិនបានជាប់ក្នុងចំណោម៤ក្រុមចុងក្រោយផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ពួកលោកទាំងពីរនាក់បានធ្វើការវិភាគក្នុងកម្មវិធី Monday Night Football និងបានទស្សទាយថាឆ្នាំ២០២១ខាងមុខនេះជាឆ្នាំដែលអ្នកគាំទ្រ Liverpool មានឱកាសបានមើលក្រុមសំណព្វចិត្តរបស់ខ្លួនលើកពានទៀតហើយ។
លោក Gary Neville បានថ្លែងថា៖
ខ្ញុំធ្លាប់និយាយហើយថា Liverpool នឹងក្លាយជាជើងឯកហើយគ្មានអ្វីអាចផ្លាស់ប្ដូរគំនិតខ្ញុំបានទេ ពេលដែល Villa និង Van Dijk បានរងរបួស ខ្ញុំក៏បានគិតថា អូ៎!វានឹងគួរឲ្យចាប់អារម្មណ៍ ប៉ុន្តែ Liverpool បានរក្សាលំនឹងរបស់ក្រុមឡើងវិញ ពួកគេពិតជាមិនគួរឲ្យជឿមែន ពួកគេមានឧបសគ្គរារាំងនៅឆ្នាំនេះដែលខុសប្លែកពីឆ្នាំមុន តែខ្ញុំគិតថាពួកគេនឹងលើកពានម្ដងទៀត។
ទាំងលោក Jamie Carragher និង Gary Neville ថែមទាំងបានប្រកែកគ្នារឿង Manchester United និង Manchester City ដែរថាតើទាំងពីរក្រុមនេះបានឡើងមកកាន់វគ្គ៤ក្រុមចុងក្រោយដែរឬអត់។
ប៉ុន្តែយ៉ាងណាមិញពួកលោកទាំងពីរបានបង្ហាញគំនិតខុសពីគ្នាអំពីសមាសភាពក្រុមដែលបានឡើងដល់វគ្គ៤ក្រុមចុងក្រោយ ដោយលោក Carragher និយាយថា Chelsea អាចឡើងដល់វគ្គ៤ក្រុម ខណៈលោក Neville ថា Tottenham Hotspur នឹងបានឡើងដល់វគ្គ៤ក្រុមទៅវិញ។
លោក Gary Neville និយាយថា៖
អ្នក(Carragher)អាចផ្លាស់ប្ដូរគំនិតខ្លួនឯងបានណា! បើនិយាយឲ្យវាពិតទៅ ខ្ញុំមិនច្បាស់ទេថា Chelsea បានជាប់ក្នុងចំណោមវគ្គ៤ក្រុមឬអត់ រឿងមួយទៀតគឺខ្ញុំគិតថា Manchester City និង Manchester United នឹងជាប់វគ្គ៣ក្រុមចុងក្រោយហើយលេខ៤ បើមិន Chelsea ទេក៏Tottemham ដែរ ខ្ញុំថាអាហ្នឹងវាអាស្រ័យលើជោគវាសនាទេ។
ក្នុងនោះដែរ លោក Gary Neville និង Jamie Carragher ក៏បានចុចយកកីឡាករ១១នាក់ដែលអាចនឹងក្លាយជាក្រុមបាល់ទាត់ដ៏ល្អបំផុតប្រចាំនៅ Premier League( Team of the Year)ផងដែរដោយក្នុងនោះក៏មានកីឡាករមកពីក្រុមជើងឯក Liverpool ចំនួន ៦នាក់គឺប្រធានក្រុម Jordan Henderson ខ្សែការពារTrent Alexander-Arnold, Virgil van Dijk, Andrew Robertson អ្នកចាំទី Allison Becker និង ខ្សែប្រយុទ្ធ Mohamed Salah៕
ប្រភព៖ thesun
Bong I.T