បរទេស៖ ក្រុមហ៊ុន​ Apple ត្រូវបានគេរាយការណ៍មកថាកំពុងមានគម្រោង​ដាក់សម្ពោធរថយន្តស៊េរីទំនេីបនៅឆ្នាំ២០២៤​ ដែលនឹងក្លាយជាគូប្រជែងដ៏ខ្លាំងក្លានឹងក្រុមហ៊ុនដ៏ល្បីល្បាញTesla​។

ក្រៅពី​នាឡិកា​អេឡិចត្រូនិក​ ទូរស័ព្ទ​ឆ្លាតវៃ​ ក្រុមហ៊ុនបច្ចេកវិទ្យាយក្សមួយនេះប្រាកដជាមាន​មហិច្ឆតា​ពង្រីក​ទីផ្សាររបស់ខ្លួនផ្ដោតលេីវិស័យផ្សេងទៀត។ យោងទៅតាម​របាយការណ៍​​ Apple គ្រោងនឹងបង្កេីតរថយន្តផ្ទាល់ខ្លួនដែលជាផ្នែកមួយនៃគម្រោងTitan ដែលត្រូវបានបង្កេីត៦ឆ្នាំមុន។

 Apple

យោងតាមការរាយការណ៍របស់សា​រ​ព៍ត៌មាន​ Reuters  Apple ត្រូវបានគេដឹងថាកំពុងតម្លេីងរថយន្តស៊េរីទំនេីបដែលមានសមត្ថភាពបេីកបរដោយខ្លួនឯងបាន​ (self-driving vehicle)​ រថយន្ដ​ដ៏អស្ចារ្យ​មួយនេះនឹងមានវត្តមាននៅលេីទីផ្សារនាឆ្នាំ ២០២៤។ រថយន្ដ​ថ្មីសន្លាងនេះត្រូវបានឱ្យដឹងថាគឺជាប្រភេទរថយន្តប្រេីប្រាស់ថាមពល​អគ្គិសនី​ដែលលក្ខណៈពិសេសត្រង់ថាស៉ីថាមពលតិច​ ហេីយបេីកបរបានឆ្ងាយជាងរថយន្តអគ្គិសនីដទៃ។

 Apple

ទោះបីជា​ក្រុមហ៊ុនយក្សមួយនេះកំពុងមមាញឹកផ្ដោតលេីគម្រោងថ្មី​យ៉ាងណាក៏ដោយ ក៏ Apple នឹងនៅតែបន្តបញ្ចេញនូវមុខទំនិញថ្មីក្នុងពេលឆាប់ៗនេះដែលមានដូចជា​ Apple Watch Series 6, iOS14​ និង​ New Mac Mini ផងដែរ៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យានជំនិះ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ