រាជធានីភ្នំពេញ ៖ សិស្សវិទ្យាល័យបាក់ទូក២នាក់បានក្លាយជាចោរឆក់ត្រូវសមត្ថកិច្ចនគរបាលប៉ុស្តិ៍បឹងកេងកងទី១ ដឹកនាំដោយលោកអនុសេនីយ៍ទោគល់ សុផាត ប្រធាននគរបាលប៉ុស្តិ៍បឹងកេងទី១ ចាប់ខ្លួនបានភ្លាមៗ ខណៈដែលសិស្សកំហូចទាំងពីរនាក់បានជិះម៉ូតូធ្វើសកម្មភាពឆក់ទូរស័ព្ទដៃពីជនបរទេសម្នាក់ដែលកំពុងដើរនិយាយទូរស័ព្ទនៅលើដងផ្លូវលេខ៥១ ក្នុងភូមិសាស្ត្រសង្កាត់បឹងកេងទី១កាលពីវេលាម៉ោង១ និង៤៥នាទីរសៀលថ្ងៃទី៩ មករា ឆ្នាំ២០១២។
ជនសង្ស័យដែលសមត្ថកិច្ចឃាត់ខ្លួនខាងលើ ១-ឈ្មោះនូ សុម៉េង អាយុ១៧ឆ្នាំ មានទីលំនៅក្នុងភូមិសាស្ត្រ ខណ្ឌ៧មករា និងម្នាក់ទៀតឈ្មោះអ៊ុក ឧត្តម អាយុ១៤ឆ្នាំ មានទីលំនៅក្បែរគ្នា ជិះម៉ូតូម៉ាកស្កុបពីពណ៌ខៀវលាយសបើកបរដោយឈ្មោះអ៊ុក ឧត្តម ឌុបគ្នាធ្វើសកម្មភាពឆក់ទូរស័ព្ទពីជនបរទេស ។ ពេលឆក់បានជិះម៉ូតូរត់គេចខ្លួន ប៉ុន្តែជ្រុលឱ្យបុកអ្នកជិះម៉ូតូ២គ្រឿងផ្សេងទៀត បណ្តាលឱ្យមនុស្ស២នាក់របួសធ្ងន់ និងស្រាលម្នាក់។ នៅចំពោះមុខសមត្ថកិច្ចឈ្មោះនូ សុម៉េង បានសារភាពថា ពួកគេពិតជាបានធ្វើសកម្មភាពឆក់ទូរស័ព្ទដៃពីជនបរទេសពិតប្រាកដមែន ។ ប៉ុន្តែទើបនឹងធ្វើសកម្មភាពឆក់ម្តងគត់ ។ ចំណែកឯឈ្មោះអ៊ុក ឧត្តម បាននិយាយថា ខ្លួនគេមានឪពុកធ្វើជាប៉ូលិស ។
ជនសង្ស័យរួមទាំងវត្ថុតាងដែលសមត្ថកិច្ចដកហូតត្រូវបានលោកគល់ សុផាត នាយនគរបាលប៉ុស្តិ៍បឹងកេងកងទី១ កសាងសំណុំរឿងបញ្ជូនទៅអធិការដ្ឋាននគរបាលខណ្ឌចំការមន ដើម្បីចាត់ការស្រាវជ្រាវបន្តទៀត ៕
ដកស្រង់ពីកោះសន្តិភាព
សូមបងប្អូនជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។សូមអរគុណ ខ្មែរស្រលាញ់ខ្មែរ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]