បាញ់ប្លន់ថៅកែទិញ និងលក់ដី ឲ្យរងរបួស យកចិញ្ចៀនពេជ្រ ២វង់ និងលុយជាង ៣ពាន់ដុល្លារ នៅខណ្ឌដង្កោ

ភ្នំពេញ ៖ នៅវេលាម៉ោង ៩និង៣០នាទី ព្រឹកថ្ងៃទី៨ ខែមេសា ឆ្នាំ២០១២ នេះ មានករណីបាញ់ប្លន់ថៅកែទិញ និងលក់ដីម្នាក់ឈ្មោះ តាហុង អាយុជាង ៥០ឆ្នាំ ឲ្យរងរបួស ហើយយកចិញ្ចៀនចំនួន ២វង់ និងលុយជាង ៣ពាន់ដុល្លារ នៅភូមិម័រ សង្កាត់ដង្កោ ខណ្ឌដង្កោ រាជធានីភ្នំពេញ ។

យោងតាមសេចក្តីរាយការណ៍ ពីកន្លែងកើតហេតុ បានឲ្យដឹងថា បុរសម្នាក់ឈ្មោះ តាហុង ដែលត្រូវបានគេស្គាល់ជាថៅកែទិញ និងលក់ដី ត្រូវក្រុមចោរមិនស្គាល់ អត្តសញ្ញាណ មិនដឹងចំនួន បានបាញ់មកលើលោកតា ហុង បណ្តាលឲ្យរងរបួសចំភ្លៅ ហើយយកចិញ្ចៀនពេជ្រចំនួន ២វង់ និងលុយជាង ៣ពាន់ដុល្លារ ។ បន្ទាប់ពីធ្វើ សកម្មភាពប្លន់រួច ក្រុមចោរបានរត់គេចបាត់ ។

បច្ចុប្បន្ន ជនរងគ្រោះត្រូវបញ្ជូន ទៅសង្គ្រោះនៅមន្ទីរពេទ្យ ៕

ដោយ ៖ វាសនា

ផ្តល់សិទ្ធដោយ ដើមអម្ពិល