ពិភពលោក៖ ទោះមិនបង្កឲ្យបង់ជីវិត តែគ្រោះថ្នាក់ចរាចរណ៍មួយនេះ ធ្វើឲ្យមនុស្សនិយាយតៗគ្នា មិនដាច់ពីមាត់សោះ។ ចុងឆ្នាំ ២០២០នេះ មានករណីគ្រោះថ្នាក់ចរាចរណ៍ ដែលខ្ទង់ចំណាយនៃការខូចខាតអស់រាប់លានដុល្លារ
ហើយបើនិយាយពីម៉ាកឡាន ដែលខូចខាតវិញសុទ្ធតែលំដាប់ៗតែម្តង។ មហាជនបានលើកឡើងថា «គ្រាន់តែអានតម្លៃឡានក៏ស្តាយដែរ»។
កាលពីខែ សីហា កន្លងទៅនេះ
មានករណីគ្រោះថ្នាក់ចរាចរណ៍មួយរវាង រថយន្ត Mercedes-Benz
C-Class wagon, រថយន្ត Porsche 911 Cabriolet និង រថយន្ត Bugatti Chiron
បានបង្កជាការភ្ញាក់ផ្អើលលក្ខណៈពិភពលោកតែម្តង ព្រោះតែមួយពព្រិចភ្នែកសោះខូចខាតអស់ជិត 4
លានដុល្លារអាមេរិក។ បើគិតតែ Chiron ថ្មីតែមួយហ្នឹង
មានតម្លៃជាង 3លានដុល្លារួចទៅហើយ។
ហេតុការណ៍នេះបានកើតឡើងនៅតាមផ្លូវឆ្លងកាត់ច្រលងភ្នំ Alps ក្នុងប្រទេសស្វីស ដោយសារតែការបើកបរយឺតរបស់រថយន្តផ្សេងមួយទៀតដែលបណ្តាលអោយម្ចាស់រថយន្ត
Bugatti និង Porsche ទ្រាំមិនបានក៏ព្យាយាមវ៉ា
តែចៃដន្យចិត្តដូចគ្នាចេញមកដំណើរគ្នា ក៏បុកគ្នាតែម្តង។ ហើយរថយន្ត Porsche ហ្នឹងក៏បន្តទៅបុករថយន្ត Mercedes 1 ផ្សេងទៀត ខណ:ដែលរថយន្ត Bugatti ក៏ជ្រុលទៅបុករថយន្តដែលបើកយឺតនោះ។
ជាការកត់សម្គាល់ គ្នានអ្នកបាត់បង់ជីវិតដោយសារហេតុការនេះទេ តែការខូចខាតជារួមអស់ប្រហែល 4 លានដុល្លារអាមេរិក៕