ភ្នំពេញ៖ ក្រោយពីតារាចម្រៀង សម្លេងផ្អែម មាស សុខសោភា បានទទួលរងការចោទប្រកាន់ និងរិះគន់ ដោយការបង្ហោះវីដេអូ បែបវាយប្រហារពី អ្នកលេងបណ្តាញសង្គមTikTok ម្នាក់អំពីអត្តចរិតរបស់តារាស្រីរូបនេះរួចមក មិនបង្អង់យូរ ពេលនេះប្អូនស្រីជីដូនមួយ របស់កញ្ញា មាស សុខសោភា គឺកញ្ញាមុន្នី រក្សា ក៏បានចេញមុខ មកបកស្រាយ ដំណើរដើមទង នៃរឿងរ៉ាវដែលបានកើតឡើង ប្រាប់ទៅដល់ អ្នកគាំទ្រវិញផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះ កញ្ញា មុន្នី រក្សា បានធ្វើការបង្ហោះវីដេអូ លើគរណីTikTok របស់ខ្លួនចំនួន៥ វីដេអូ ដើម្បីស្រាយនៅចម្ងល់ ដែលបងស្រីខ្លួន ត្រូវគេបានគេ បរិហារកេរ្តិ៍ឈ្មោះនោះ។ ក្នុងនោះ កញ្ញា បានរៀបរាប់ថា នៅពេលនោះគឺ អ្នកលេងTikTok ម្នាក់នោះគឺ ពិតជាបានមកសុំថត ជាមួយនឹងបងស្រីរបស់ខ្លួន ពិតប្រាកដមែន តែបងស្រីរបស់ខ្លួន បានបដិសេធ ដោយសារតែមានការរវល់ ជាប់ការងារច្រើន ដែលត្រូវបញ្ចប់ និងត្រូវបន្តទៅច្រើនកន្លែងទៀត ទើបមិនបានថតជាមួយ។
រីឯការចោទប្រកាន់ ថាក្រុមការងារបងស្រីរបស់ខ្លួន ដើរគន្លងបាយម្ហូបនោះគឺ មិនមែនជាការពិតនោះទេ។ ព្រោះជាក់ស្តែង បាយម្ហូបទាំងនោះគឺ ហាក់ដូចជា បានទទួលទាន រួចទៅហើយ ហើយក្រុមការងារគឺ ពិតជាបានទៅឈរលើថ្ម ដែលដាក់បានម្ហូបនោះមែន តែមិនបានដើរគន្លងដើរ ដូចដែលអ្នកលេងTikTok បានលើកឡើង ក៏ដូចជាចោទប្រកាន់នោះទេ។ បន្ថែមពីនេះកញ្ញា មន្នី រក្សា ក៏បានបញ្ជាក់បន្ថែមថា ប្រសិនបើបងប្អូន ចង់ដឹងនិង ចង់បានសាក្សីឃើញហេតុការណ៍នោះ ច្បាស់នឹងភ្នែក ក៏អាចទៅសាកសួរ ពីក្មេងប្រុសឈ្មោះSky ដែលបាននាំផ្លូវឲ្យ កញ្ញា មាស សុខសោភា ផ្ទាល់នៅកន្លែងនោះ បានផងដែរ៕