ភ្នំពេញ៖ ពិតណាស់ថា វិស័យសិល្បៈខ្មែរមានច្រើនទម្រង់ និងបែបបទ ហើយក្នុងនោះទៀតសោត ក៏សម្បូរទៅដោយធនធានអ្នកមានសមត្ថភាព មិនថាទាំង ក្នុងវិស័យសិល្បៈ ចម្រៀង សម្តែង ឬក៏កំប្លែងនោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក៏ប៉ុន្តែអ្វីដែល ធ្វើឲ្យអ្នកគាំទ្រ ក៏ដូចជាមហាជនទូទៅមាន ការសោកស្តាយបំផុតនោះគឺ ការដែលបាត់បង់ ធនធានមនុស្ស ដែលមានសមត្ថភាព ក្នុងវិស័យសិល្បៈនេះឯង។ ជាក់ស្តែងប្រៀងដូចជា ដំណឹងទទួលមរណភាពនៃ សិល្បៈករនិងសិល្បៈការនី មួយចំនួនដែលពោរពេញទៅដោយ សមត្ថភាពនិង កេរ្តិ៍ឈ្មោះ ដែលរហូតមកទល់ពេលនេះ វានៅតែជា ការសោកស្តាយនិង ជាភាពសោកសៅមួយ ក្នុងការចង់ចាំរបស់ អ្នកគាំទ្រភាគច្រើន។
មិនថាអ្នកសិល្បៈដែលបាន ទទួលមរណភាពទៅ យូរឆ្នាំកន្លងទៅហើយ ឬក៏អ្នកដែលទើបតែ ទទួលមរណភាពថ្មីៗនេះទេ គឺសុទ្ធតែជាភាពសោកស្តាយ មួយដ៏ធំក្នុងចង្កោមសិល្បៈខ្មែរ។ តែទោះយ៉ាងណាក្តី ក៏នៅរាល់ស្នាដៃ និងសមត្ថភាព របស់អ្នកសិល្បៈទាំងនេះ តែងតែស្ថិតនៅដក់ជាប់ ក្នុងចិត្តអ្នកគាំទ្រ ជានិច្ចផងដែរ៕
ខាងក្រោមនេះគឺជាឈ្មោះ នៃសិល្បៈករការនីដែលបានទទួលមរណភាពទៅហើយមានដូចជា៖
១. តារាចម្រៀង សាន ស្រីឡៃ
តារាចម្រៀងស្រីរូបនេះ បានទទួលមរណភាពកាលពីឆ្នាំ២០១៦ ដោយសារតែភ្លើងប្រច័ណ្ឌ របស់ភាគីខាងប្តី រហូតឈានដល់ការបាញ់សម្លាប់តារាស្រីរូបនេះ និងខ្លួនឯងនៅក្នុងហាងមួយកន្លែង។
២. តារាកំប្លែង យាយខ្លី
យាយខ្លី បានទទួលមរណភាពកាលពីឆ្នាំ២០១៤ នៅក្នុងមន្ទីរពេទ្យកាល់ម៉ែត្រ ដោយរោគាពាធ។
៣. តារាចម្រៀង ខេមរៈ ស្រីពៅ
តារាចម្រៀងស្រីរូបនេះ បានទទួលមរណភាពកាលពីឆ្នាំ២០១៩ នៅក្នុងមន្ទីរពេទ្យនៃប្រទេសឥណ្ឌា ខណៈពេលកំពុងតែព្យាបាលជំងឺ។
៤. តារាកំប្លែង នាយស្មាញ
តារាកំប្លែងរូបនេះបានទទួលមរណភាពកាលពីឆ្នាំ២០១៩ ដោយគ្រោះថ្នាក់ចរាចរណ៍។
៥. តារាចម្រៀង រាជបូរី
តារាចម្រៀងប្រុសរូបនេះ បានទទួលមរណភាពកាលពីឆ្នាំ២០១៧ ដោយសារហេតុការណ៍ក្រឡាប់រថយន្ត។
៦. តារាចម្រៀងនិងសម្តែង វ៉ាន់ មករា
តារាប្រុសរូបនេះ ទទួលមរណភាពកាលពីឆ្នាំ២០១៦ ដោយសារតែគ្រោះថ្នាក់ចរាចរណ៍។
៧. តារាចម្រៀង ឈិន សុរ៉ាវី
តារាចម្រៀងស្រីរូបនេះ បានទទួលមរណភាពកាលពីឆ្នាំ២០១៣ ដោយសារការចងកសម្លាប់ខ្លួន។
៨. តារាចម្រៀង នី សាលឿន
តារាចម្រៀងបែបមនោសញ្ចេតនា(មរតដើម)ដែលមានសមត្ថភាពរូបនេះ បានទទួលមរណភាពក្នុងពេលថ្មីៗនេះ គឺក្នុងឆ្នាំ២០២០ ដោយសារតែជំងឺមហារីកថ្លើម។
Bong I.T