ល្ហៀង​ៗថា Andrew Garfield និង Kirsten Dunst នឹង​សម្តែង​ក្នុង​ Spider-Man 3

​បន្ទាប់ពីមានព័ត៌មានបានចុះផ្សាយថា លោក Alfred Molina នឹងសម្តែងជាតួអង្គ Doctor Octopus ក្នុងរឿង Spider-Man 3 នោះ ពេលនេះក៏លេចលឺព័ត៌មានថាតារាសម្តែង Andrew Garfield និង Kirsten Dunst ក៏ចូលរួមក្នុង Spider-Man 3 ផងដែរ។

យ៉ាងណាមិញ គេមិនទាន់ដឹងច្បាស់ឡើយថា Andrew Garfield នឹងចូលរួមសម្តែងពិតប្រាកដឬយ៉ាងណានោះទេ ប៉ុន្តែគេរំពឹងថា Kirsten Dunst នឹងត្រឡប់មកសម្តែងជាតួអង្គ Mary Jane Watson ម្តងទៀត។  

​គួរបញ្ជាក់ផងដែរថា ក៏មានព័ត៌មានចចាមអារ៉ាមទាក់ទងនឹងតារាសម្តែង Tobey Maguire ក៏នឹងចូលរួម​ក្នុង​ចក្រវាល Marvel Cinematic Universe នេះក៏ដូចជាទាក់ទងនឹងតារាសម្តែង Emma Stone ក៏ប្រហែល​ជា​ត្រឡប់មកសម្តែងជាតួអង្គ Gwen Stacy វិញផងដែរ។
សាច់រឿង Spider-Man 3 នេះនឹងធ្វើឡើងទៅតាម Spider-Verse ដែលបំបែកចក្រវាលផ្សេងគ្នា​ជាច្រើនជា​មួយ​នឹងតួអង្គ Doctor Strange នឹងក្លាយជាអ្នកណែនាំថ្មីម្នាក់សម្រាប់តួអង្គ Spider-Man ដែលសម្តែងដោយ Tom Holland បន្ទាប់ពីតួអង្គ Iron Man បានបាត់បង់ជីវិតក្នុងរឿង Avengers: Endgame ហើយរួចមក។
វគ្គថ្មីរបស់ Spider-Man ដែលដឹកនាំដោយលោក Jon Watts នោះត្រូវគេរំពឹងថានឹងចាក់បញ្ចាំងនាថ្ងៃទី ១៧ ខែ ធ្នូ ឆ្នាំ ២០២១ នេះហើយ៕