ការស្រលាញ់មានទម្រង់ជាច្រើនខុសៗគ្នា យ៉ាងណាមិញការស្រឡាញ់ខ្លួនឯង ជាគំនិតសំខាន់ និងអស្ចារ្យមួយក្នុងការពង្រឹងទម្លាប់របស់យើងដើម្បីឱ្យមានភាពសប្បាយរីករាយ និងមានអារម្មណ៍ពេញចិត្តនឹងជីវិតរបស់យើងផ្ទាល់។ ខាងក្រោមនេះជាវិធី៣ យ៉ាងដែលជួយឱ្យអ្នកស្រលាញ់ និងផ្តល់តម្លៃឱ្យខ្លួនឯងបានយ៉ាងពេញលេញ៖
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១. ការយល់ដឹងនិងស្គាល់ខ្លួនឯងឲ្យបានច្បាស់
ការយល់ដឹងនិងស្គាល់ខ្លួនឯងឲ្យបានច្បាស់ គឺជាទទួលស្គាល់គំនិតអារម្មណ៍ សមត្ថភាព ភាពខ្លាំង ភាពខ្សោយ និងការឈឺចាប់របស់អ្នកដោយខ្លួនឯងផ្ទាល់។ ពីព្រោះគ្មានអ្នកណាមកស្គាល់ និងដឹងពីអ្នកច្រើនជាងខ្លួនអ្នកបានឡើយ។
២. អបអរសាទរភាពខ្លាំងរបស់អ្នក
ក្រោយពីអ្នកអាចស្គាល់ខ្លួនឯងជាអ្នកណាហើយ ច្បាស់ណាស់អ្នកប្រាកដជារកឃើញនូវភាពខ្លាំងរបស់អ្នកបានជាមិនខាន តែចងចាំទុកណាអ្នកក៏ត្រូវហ៊ានទទួលយកចំណុចខ្សោយរបស់អ្នក។ នេះជាសំណួរដែលជួយអ្នកអាចអបអរសាទរភាពខ្លាំងរបស់អ្នកបានដោយការសួរខ្លួនឯងនូវសំណួរសំខាន់ៗមួយចំនួន៖
_តើលក្ខណៈអ្វីខ្លះដែលអ្នកតែងតែសរសើរ? តើការងារអ្វីដែលអ្នកពូកែជាងគេ?
_តើទេពកោសល្យពិសេសរបស់អ្នកគឺជាអ្វី?
_ធ្វើបញ្ជីនៃចំណុចខ្លាំងនិងសមិទ្ធិផលកន្លងមករបស់អ្នកហើយអានវាម្តងទៀតនៅពេលដែលអ្នកមានពេលសម្រាកគឺជាវិធីដ៏ល្អមួយដើម្បីអនុវត្តការទទួលយកដោយខ្លួនឯង។
៣. ការបន្តជឿលើខ្លួនឯង
ការជឿជាក់លើខ្លួនឯងនេះជាអ្វីដែលអ្នកត្រូវតែមានដើម្បីបង្កើននូវសក្តានុពលដល់ខ្លួនអ្នកបន្ថែមសម្រាប់ការរស់នៅប្រចាំថ្ងៃ។ ចូលប្រើការនិយាយជាមួយខ្លួនឯងដោយប្រើពាក្យសម្តីវិជ្ជមានឲ្យបានច្រើន និងត្រូវប្រើបច្ចេកទេស ផ្តោតអារម្មណ៍លើគំនិតវិជ្ជមានច្រើនបំផុតនៅពេលដែលពេលវេលាលំបាក។ ដូចនេះអ្នកនឹងមានភាពជឿជាក់លើខ្លួនឯងដោយមិនដឹងខ្លួនក៏ថាបាន។
វិធីសាស្រ្តខាងលើនេះជាអ្វីដែលអាចឱ្យអ្នកស្រលាញ់និងផ្តល់តម្លៃឱ្យខ្លួនឯងបានយ៉ាងពេញលេញ។ ពីព្រោះថាគ្មានអ្នកណាម្នាក់ស្រលាញ់ និងមកឱ្យតម្លៃអ្នកបានច្រើនជាងខ្លួនអ្នកទៀតនោះទេ៕