ថ្មីៗនេះផងដែរ ក្រុមហ៊ុនយក្ស Apple បានបញ្ចេញនូវផលិតផលថ្មីនៃត្រកូល AirPods របស់ខ្លួនដែលមានឈ្មោះថា AirPods Max ដែលជាកាស Wireless ធំក្តោបត្រចៀកមានមុខងារមិនខុសពី AirPods 2 ឬ AirPods Pro ឡើយ។
AirPods Max នេះបាននាំមុខងារជាច្រើនដូចជា Adaptive EQ, Active Noise Cancellation, Transparency Mode អមជាមួយការរចនាដ៏ស្រស់ស្អាត។ Apple ក៏បានរចនាកាសនេះឡើងឲ្យមានទម្ងន់ស្រាលជាមួយនឹងសំណាញ់ទន់ៗដែលងាយស្រួលពាក់កាសនេះនៅនឹងក្បាលដោយគ្មានការឈឺចាប់ និងទន់ស្រួល។
មួយវិញទៀត AirPods Max អាចកាន់ថ្មបានរហូតដល់ទៅ ២០ ម៉ោងនៅពេលប្រើប្រាស់វាដើម្បីស្តាប់ចម្រៀង និយាយទូរស័ព្ទ ឬទស្សនាវីដេអូផ្សេងៗ។ Case របស់កាសនេះក៏នាំមកនូវថ្មជំនួយដែលអាចសាកកាសនេះបានដោយ AirPods ជំនាន់មុនៗដែល AirPods Max នេះនឹងដាក់លក់ចំនួន ៥ ពណ៌មានដូចជា Space Gray, Silver, Sky Blue, Green និង Pink។
Apple បានដាក់លក់ AirPods Max នេះក្នុងតម្លៃ ៥៤៩ ដុល្លារសហរដ្ឋអាមេរិកដែលជាតម្លៃនៅសហរដ្ឋអាមេរិក ហើយនឹងចាប់ផ្តើមលក់ចាប់ពីថ្ងៃទី ១៥ ខែ ធ្នូ ឆ្នាំ ២០២០ នេះតទៅ៕
សូមទស្សនាវីដេអូ និងរូបភាពខាងក្រោម៖