សម្តេចតេជោ ហ៊ុន សែន ទទួលបានថវិកាពីសប្បុរសជនជាង២០លានដុល្លារហើយ សម្រាប់ទិញវ៉ាក់សាំងកូវីដ១៩

ភ្នំពេញ៖ ក្រោយពីមានការប្រកាសជាសាធារណៈ តាមរយៈហ្វេសប៊ុកផេកជាផ្លូវការរបស់ សម្តេចតេជោ ហ៊ុន សែន នាយករដ្ឋមន្ត្រីកម្ពុជា ត្រៀមថវិការួចជាស្រេចហើយ ដើម្បីទិញវ៉ាក់សាំងជំងឺកូវីដ១៩ ដើម្បីចាក់ជូនប្រជាពលរដ្ឋដោយឥតគិតថ្លៃ ក៏ឃើញមានសប្បុរសជនជាច្រើន បានចេញមុខបរិច្ចាគជាថវិកាជាហូរហែរ ពីសំណាក់អ្នកឧកញ៉ា និងបុគ្គលល្បីៗជាច្រើន​។

បន្ថែមពីនេះ មកទល់នឹងព្រឹកថ្ងៃទី០៨ ខែធ្នូ ឆ្នាំ២០២០នេះ ថវិកាសប្បុរសជនចូលរួមជាមួយសម្តេច ដើម្បីទិញវ៉ាក់សាំងការពារជំងឺកូវីដ១៩ មានចំនួនជាង ២០លានដុល្លារអាមេរិកហើយ។

ក្នុងនោះមានបន្ថែម ឈ្មោះអ្នកឧកញ៉ា ឯកឧត្ដម និងបុគ្គលល្បីៗដូចខាងក្រោម៖ 

១)  ឧកញ៉ា សុខ គង់ ប្រធានក្រុមប្រឹក្សាភិបាល នៃក្រុមហ៊ុនសូគីម៉ិច InvestmentGroup បានបរិច្ចាគថវិកា ១លានដុល្លារ ជូនសម្តេចតេជោ ហ៊ុន សែន នាយករដ្ឋមន្ត្រីកម្ពុជា បានប្រកាសបរិច្ចាគថវិកា ៣លានដុល្លារ ដើម្បីទិញវ៉ាក់សាំងកូវីដ១៩។

២៖ លោកជំទាវ ទ្រី សុខា ដែលជាពិធីការសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបរិច្ចាគថវិកា ១ម៉ឺនដុល្លារ ។

៣៖ ឯកឧត្តម ជាវ តាយ អភិបាលខេត្តកំពត និងលោកជំទាវ លាង ហៃ ជាវតាយ ក៏បានបរិច្ចាគថវិកា ៥ម៉ឺនដុល្លារដែរ។

៤៖ ក្រុមហ៊ុន ប៉េង ហួត គ្រុប បរិច្ចាគថវិកា ៣លានដុល្លារ ជូនសម្តេចតេជោ ហ៊ុន សែន នាយករដ្ឋមន្ត្រីកម្ពុជា ដើម្បីទិញវ៉ាក់សាំងកូវីដ១៩។

៥៖ ឯកឧត្តម ហ៊ុន ម៉ានី ដែលជាប្រធានគណៈកម្មការទី៧ ទទួលបន្ទុកអប់រំ យុវជន កីឡា ធម្មការ និងកិច្ចការសាសនា វប្បធម៌ និងទេសចរណ៍នៃរដ្ឋសភា ប្រកាសបរិច្ចាគប្រាក់បៀវត្សចំនួន៧ខែ ១០០ភាគរយ ក្នុងឆ្នាំ២០២១របស់ឯកឧត្តម ជូនរាជរដ្ឋាភិបាលកម្ពុជា។

 ៦៖ ឧកញ៉ាជា សារ៉ន ស្ថាបនិក និងជាអគ្គនាយកក្រុមហ៊ុន ជា សារ៉ន គ្រុប បរិច្ចាគថវិកា២០ម៉ឺនដុល្លារ។

៧៖  អ្នកឧកញ៉ា ឃុន សៀ ប្រធាន ក្រុមហ៊ុន ធីភីម៉ូរ៉ាគ្រុប ឯ.ក បរិច្ចាគថវិកា៥០ម៉ឺនដុល្លារ។ 

៨៖ សម្តេចអគ្គមហាពញាចក្រី ហេង សំរិន ប្រធានរដ្ឋសភា បានប្រកាសបរិច្ចាគប្រាក់បៀវត្សរ៍ ក្នុងមួយខែ ៨លានរៀល រយៈពេល ៦ខែ ចាប់ពីខែធ្នូ ឆ្នាំ២០២០ តទៅ។

៩៖ ឯកឧត្តម ឡៅ ម៉េងឃីន និង លោកជំទាវ ជិន សុភាព ក៏បានប្រកាសបរិច្ចាគថវិកា៣លានដុល្លារដែរ។