គ្រូបង្វឹកក្រុម Manchester City លោក Pep Guardiola បានបដិសេធទាក់ទងនឹងក្រុមរបស់លោកមានកៅអីសម្រាប់ពាន UEFA Champion League វគ្គ ១៦ ក្រុមចុងក្រោយដែលជាហេតុធ្វើឲ្យក្រុមលោកមានជើងគ្រប់គ្រាន់សម្រាប់ Manchester Derby នារដូវកាលនេះដែលជាផលចំណេញមួយដែលលោកមិនចាំបាច់ទុកជើង។
យ៉ាងណាមិញ លោក Pep Guardiola បានទុកជើងកីឡាករសំខាន់ៗផងដែរ មុនជំនួបទល់នឹងក្រុម Marseille សម្រាប់ថ្ងៃពុធដោយលោកចង់ឈរលេខរៀងទី ១ ពូល C។
គួរបញ្ជាក់ផងដែរថាក្រុម Manchester United ត្រូវការចាំបាច់ណាស់យ៉ាងតិច ១ ពិន្ទុនៅពេលដែលក្រុមនឹងត្រូវធ្វើដំណើរទៅកាន់ទឹកដីប្រទេសអាឡឺម៉ង់ដើម្បីប្រកួតតទល់ជាមួយក្រុម RB Leipzig ដណ្តើមកៅអី UEFA Champion League វគ្គ ១៦ ក្រុមចុងក្រោយ។
ដូច្នេះមានន័យថាលោក Ole Gunnar Solskjaer នឹងត្រូវប្រើប្រាស់កីឡាករសំខាន់ៗរបស់ខ្លួនទាំងអស់ដើម្បីលេង បើទោះបីជាលោកត្រូវជួបតទល់ជាមួយ Manchester City នាថ្ងៃសៅរ៍នេះក៏ដោយ ហើយលោក Pep Guardiola ជឿជាក់ថា Manchester United នឹងមានជើងលេងគ្រប់គ្រាន់សម្រាប់ Manchester Derby នេះ៕