ព្រឹកនេះ រកឃើញអ្នកឆ្លងកូវីដ-១៩ ក្នុងសហគមន៍ម្នាក់ទៀត ជាបុគ្គលិកហាង Carl’s Jr Burger សាខាទួលទំពូង

ភ្នំពេញ៖ នៅព្រឹកថ្ងៃអាទិត្យ ទី០៦ ខែធ្នូ ឆ្នាំ២០២០នេះ ក្រសួងសុខាភិបាល បានចេញសេចក្ដីជូនដំណឹងពីការរកឃើញ ករណីវិជ្ជមានកូវីដ-១៩ថ្មី ចំនួន១នាក់ទៀត និងមានអ្នកជាសះស្បើយថ្មីចំនួន១នាក់ផងដែរ។

ក្រសួងសុខាភិបាលបានបញ្ជាក់ថា ករណីវិជ្ជមានកូវីដ-១៩ថ្មីនេះ ជាបុរសជនជាតិខ្មែរ ឈ្មោះថា សាយ សៅលាង អាយុ២១ឆ្នាំ មានអាសយដ្ឋានស្នាក់នៅជិតវត្ដសន្សំកុសល សង្កាត់បឹងទំពន់ ខណ្ឌមានជ័យ រាជធានីភ្នំពេញ ជាបុគ្គលិកហាង Carl’s Jr Burger សាខាទួលទំពូង ធ្លាប់រស់នៅជាមួយអ្នកជំងឺឈ្មោះ ញិល សុខ កូឡា ភេទប្រុស អាយុ២២ឆ្នាំ មុនថ្ងៃទី២៨ ខែវិច្ឆិកា ឆ្នាំ២០២ ធ្វើការនៅ Pedro ផ្លូវព្រះសីហនុ ដែលបានរកឃើញមានវីរុសកូវីដ-១៩ នៅថ្ងៃទី០៣ ខែធ្នូ ឆ្នាំ២០២០ កំពុងសម្រាកព្យបាលនៅមន្ទីរពេទ្យ មិត្តភាពខ្មែរ-សូវៀត រាជធានីភ្នំពេញ៕

សូមអានសេចក្ដីជូនព័ត៌មានពីក្រសួងសុខាភិបាល៖