អង់គ្លេស៖ អ្នកចាត់ការទូទៅរបស់ក្លិបការពារតំណែងជើងឯកក្របខណ្ឌលីគកំពូលអង់គ្លេស Liverpool លោក Jurgen Klopp បានបន្តការសរសើរ និងពេញចិត្តសមត្ថភាពរបស់អ្នកចាំទី Caoimhin Kelleher បន្ទាប់ពីផ្តល់ឱកាសឲ្យបង្ហាញសមត្ថភាពបានល្អ ដោយរក្សាសំណាញ់ទីមិនឲ្យរបូតគ្រាប់តទល់នឹងក្លិប AFC Ajax ក្នុងពានរង្វាន់ UEFA Champions League កន្លងទៅ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សថ្លែងក្នុងកិច្ចសម្ភាសន៍មុនការប្រកួតទល់នឹងក្លិប Wovles បុរសសញ្ជាតិអាល្លឺម៉ង់គ្រូបង្វឹករបស់ក្លិប Liverpool ខាងលើបាននិយាយថា៖ "ជាការពិត! Caoimhin Kelleher គឺជាអ្នកចាំទីដ៏មានសមត្ថភាពមួយរូប។ ជាធម្មតា! អ្នកចាំទីគ្រប់រូបតែងតែរង់ចាំឱកាសក្នុងការបញ្ចេញសមត្ថភាពលើទីលាន។ គ្រប់ក្លិបនីមួយៗ តែងតែមានអ្នកចាំទីជាច្រើនរូប ប៉ុន្តែជាលទ្ធផលគឺមានតែម្នាក់ប៉ុណ្ណោះ ដែលអាចដណ្តើមតំណែងនៃការបង្ហាញខ្លួនលើទីលានបាន។ ពេលខ្លះនៅក្នុងក្លិបមួយ គឺមានអ្នកចាំទីល្អៗជាច្រើន តែទោះបីជារូបគេនៅក្លិបនោះរយៈពេល ១០ ឆ្នាំក៏ដោយ បើពុំទទួលបានឱកាសបញ្ចេញសមត្ថភាព គឺគ្មានការទទួលស្គាល់នោះទេ។ ៉
លោក Jurgen Klopp ក៏បានឆ្លៀតបន្ថែមដោយជំនឿចិត្តទៀតថា៖ "ខ្ញុំដឹងថា Caoimhin Kelleher តែងតែត្រៀមខ្លួនជានិច្ចគ្រប់ការប្រកួត។ អ្នកទាំងអស់គ្នាបានឃើញមកហើយសមត្ថភាពរបស់គេក្នុងការប្រកួតមុន (ប្រកួតទល់ AFC Ajax)។ ហើយរូបគេក៏ជាអ្នកចាំទីរបស់ជម្រើសជាតិអៀឡង់ផងដែរ ដូច្នេះយើងគ្មានការសង្ស័យអ្វីចំពោះសមត្ថភាពរបស់គេទៀតឡើយ។ ៉
គួរបញ្ជាក់ផងថា អ្នកចាំទីសញ្ជាតិអៀឡង់ Caoimhin Kelleher មានវ័យ ២២ ឆ្នាំ ដែលតម្លើងមកពីឈុតយុវជនរបស់ Liverpool ផ្ទាល់តាំងពីពាក់កណ្តាលរដូវកាល ២០១៨-២០១៩ មកម្ល៉េះ។ ៣ រដូវកាលមកនេះរូបគេបានបង្ហាញខ្លួនឲ្យក្លិបសរុប ៥ លើកប៉ុណ្ណោះ រួមមាន FA Cup ១ លើក , EFL Cup ៣ លើក និង UEFA Champion League លើកចុងក្រោយផងដែរ៕