អាមេរិក៖ ប្រធានាធិបតី លោក ដូណាល់ ត្រាំ បានបញ្ជាឱ្យមន្ទីរបញ្ចកោណអាមេរិក និងបញ្ជាការអាហ្រ្វិក ដកកងទ័ពមួយចំនួន ព្រមទាំងគ្រឿងសព្វាវុធចេញ ពីប្រទេសសូម៉ាលីមុនដើមឆ្នាំ ២០២១។ លោក ត្រាំ ធ្វើបែបនេះ គឺដើម្បីព្យាយាមកាត់បន្ថយការប៉ះទង្គិចផ្នែកយោធាជាមួយប្រទេសទាំងនេះ អំឡុងសប្តាហ៍ចុងក្រោយក្នុងសេតវិមានរបស់គាត់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមន្ទីរបញ្ចកោណអាមេរិកបានឆ្លើយតបវិញថា ខ្លួននឹងមិនដកកងទ័ពរបស់ខ្លួនចេញពីទ្វីបអាហ្វ្រិកទាំងស្រុងនោះទេ ដោយលើកឡើង ថានឹងបន្តធ្វើអន្តរាគមន៍ប្រឆាំងនឹង អង្គការជ្រុលនិយម ដែលអាចនឹងគំរាមកំហែងដល់អាមេរិក ដៃគូ និង សម្ព័ន្ធមិត្តផ្សេងទៀត។ លើសពីនេះ កងទ័ពដែលដកចេញពីប្រទេសសូម៉ាលី នឹងត្រូវបញ្ជូនទៅប្រទេសជិតខាង ដើម្បីចូលរួមក្នុងប្រតិបត្តិការឆ្លងកាត់ព្រំដែនប្រឆាំងនឹងក្រុមជ្រុលនិយម។
គួរបញ្ជាក់ផងដែរថា ទីបញ្ជាការអាហ្រ្វិកអាមេរិច ធ្លាប់បានបញ្ជូនទាហាន ៧០០នាក់ និងបុគ្គលិកសន្តិសុខ ទៅប្រទេសសូម៉ាលី ដើម្បីបើកប្រតិបត្តិការវាយប្រហារក្រុមបះបោរ Al-Shabaab និងបណ្តុះបណ្តាលកងទ័ពក្នុងប្រទេសជាម្ចាស់ផ្ទះ៕