ថាមើល ឃ្យូតអត់? នេះជារូបថត Chompoo កាលនៅពីក្មេង

ថៃ៖ គ្រាន់តែលឺឈ្មោះ Chompoo Araya ប្រាកដណាស់ ថាអ្នកណាមិនស្គាល់ តារាសម្តែងស្រី​នាំមុខគេ មិនថា​វិស័យសិល្បៈក្នុងការសម្តែង ឬក៏ ការលេងស្ទាយ៍ខ្លួន មិនដែលជាន់គ្នា អ្នកម៉ាក់កូនភ្លោះរូបនេះ តែងតែ បានការកោតសរសើរជានិច្ច ពីសំណាក់មហាជន។

យ៉ាងណាមិញ វាខុសសព្វរាល់ដង ដែលតារាស្រីរូបនេះ មិនបានបង្ហោះរូបភាព នៃការតុបតែងលេងខ្លួន ក្នុងការលេងឈុតប្លែកៗ បែបមានតែមួយគ្មានពីរ  បែរទៅជាចែករំលែករូបភាពមួយសន្លឹក ដែលបានថតជាមួយអ្នកម៉ាក់ និងលោកប៉ារបស់នាងទៅវិញ នៅលើគណនីផ្ទាល់ខ្លួន នៅលើបណ្តាញសង្គម​ មិនថា ហ្វេសប៊ុក ក៏ អ៊ីនស្តារក្រាម។

អ្វីដែលគួរឲ្យភ្ញាក់ផ្អើលទៅវិញនោះ រូបភាពទាំងនោះ គឺជារូបភាព របស់ Chompoo Araya កាលនៅកុមារភាព ដែលយើងអាចសន្មត់ថា វ័យរបស់តារាស្រីរូបនេះ ប្រហែលជាអាយុខ្ទង់ ៦ ទៅ ៧ឆ្នាំ ដែលយើងអាចមើលឃើញថា​រូបនាងពិតជាឃ្យុតខ្លាំង ជាពិសេសនោះ គឺថា កាត់ម៉ូតសក់ត្រឡោកទៀតផង បើធ្វើឲ្យរូបភាពមួយនេះ កាន់តែទាក់ទាញ និង គួរឲ្យអស់សំណើចថែមមួយកម្រិតទៀត៕

សូមទស្សនារូបភាពខាងក្រោម៖