កាលពីថ្មីៗកន្លងទៅនេះមានពាក្យចចាមអារាមជាច្រើនបាននិយាយថា កីឡាករខ្សែប្រយុទ្ធ Lionel Messi ហាក់ដូចជាចង់ចែកផ្លូវគ្នាជាមួយក្រុមអ្នកមានបុណ្យ Barcelona ទៅចូលរួមជាមួយក្លឹបថ្មីនារដូវកាលក្រោយនេះ ប៉ុន្តែបច្ចុប្បន្នកីឡាករ Lionel Messi នៅតែបន្តលេងឲ្យក្រុមយក្សនៅអេស្ប៉ាញដដែល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករខ្សែប្រយុទ្ធឆ្នើម Lionel Messi ត្រូវបានក្លិបធំៗជាច្រើនកំពុងតែធ្វើការទាក់ទងទៅរូបគេពោលដូចជា ក្លិប Manchester City ក្លិប Manchester United ហើយជាពិសេសនោះក៏មានក្លិបយក្ស Paris Saint German របស់បារាំងផងដែរ ដែលចង់បានកីឡាករឆ្នើមរូបនេះទៅចូលរួមនៅក្នុងរដូវកាលក្រោយ។
លោក Nasser Al-Khelaifi ដែលជាម្ចាស់ក្លិបបាល់ទាត់ Paris Saint German បានបង្ហាញអារម្មណ៍ផ្ទាល់ខ្លួនរបស់លោកថា “ពួកយើងកំពុងតែធ្វើការពិចារណាដើម្បីទិញយកកីឡាករ Messi មកចូលរួមជាមួយក្រុមរបស់យើងដែរសម្រាប់រដូវកាលក្រោយនេះ ដែល Messi គឺជាកីឡាករតែម្នាក់គត់ដែលលេងត្រូវគ្នាជាមួយនឹងកីឡាករ Neymar របស់ក្រុមយើង”។
លោក Nesser បានបន្តទៀតថា “ខ្ញុំសង្ឃឹមថា Messi នឹងចាកចេញពីក្រុម Barcelona នារដូវក្ដៅខាងមុខនេះ ហើយជាពិសេសខ្ញុំចង់ឃើញ Neymar លេងជាមួយ Messi នៅក្នុងក្រុមតែមួយគឺវាពិតជាអស្ចារ្យខ្លាំងណាស់សម្រាប់អ្នកគាំទ្រក្រុម PSG”៕