កូរ៉េខាងត្បូង៖ នៅក្នុងឧស្សាហកម្មវិស័យK-Pop នាពេលកន្លងមកនេះ ត្រូវបានធ្វើការផ្អាកការប្រគុំតន្រ្តីទាំងអស់ដោយសារតែវិបិត្តជម្ងឺ COVID-19។ ជារៀងរាល់ឆ្នាំការប្រគុំតន្ត្រីតែងតែបានធ្វើឡើងទាំងនៅក្នុងប្រទេស និងបណ្តាប្រទេសផ្សេងៗ ក៏ប៉ុន្តែដោយសារតែបញ្ហាជម្ងឺមួយនេះ ទើបត្រូវធ្វើការផ្អាកទាំងអស់ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែង នាពេលថ្មីនេះៗក្រុមហ៊ុន YG បានប្រកាសថាក្រុម BLACKPINK ដែលជាWorldwide Girl Group នឹងមានការប្រគុំតន្ត្រីតាមប្រព័ន្ធអ៊ីនធើណែត ដែលការប្រគុំតន្រ្តីOnlineមួយនេះមានចំណងជើងថា ''THE SHOW'' ។ ក្រោយពេលប្រកាសបានប៉ុន្មាននាទី គេឃើញថាមានការចែករំលែកជាច្រើនលើប្រព័ន្ធអ៊ីនធើណែត និងមានប្លីងជាច្រើនបានធ្វើការត្រេកអរជាខ្លាំងចំពោះការប្រគុំតន្ត្រី Online មួយនេះ។
ប្លីងជាច្រើនបានកំពុងតែទន្ទឹងរងចាំ ការប្រគុំតន្រ្តីដ៏អស្ចារ្យមួយនេះ ។ ប៉ុន្តែមុននឹងថ្ងៃនោះមកដល់ ទាំងអស់គ្នាត្រូវតែដឹងអំពីព័ត៌មានទាំងនេះឱ្យបានច្បាស់ជាមុនសិន។
តោះ! ទៅមើលរឿងដែលយើងគួរតែដឹងទាំងអស់គ្នា ៖
១. កាលបរិច្ឆេទ
ការប្រគុំតន្រ្តីOnline របស់ BLACKPINK ដែលមានចំណងជើងថា ‘’THE SHOW’’ នឹងធ្វើការផ្សាយផ្ទាល់នៅថ្ងៃអាទិត្យ ទី ២៧ ខែ ធ្នូ ឆ្នាំ ២០២០ នៅវេលាម៉ោង ២ថ្ងៃត្រង់់(ម៉ោងក្នងប្រទេសកូរ៉េខាងត្បូង) ។
២. ទីកន្លែង
ជាដំបូងអ្នកទាំងអស់គ្នាត្រូវ ចូលទៅក្នុងChannel YOUTUBE របស់ BLACKPINK ផ្លូវការបានដើម្បីទិញ និងចុះឈ្មោះដើម្បីក្លាយជាសមាជិក។
៣. របៀបចូលទិញសំបុត្រ
អ្នកអាចចូលមើល ការណែនាំឱ្យបានលំអិតអំពីរបៀបចូលរួម ជាមួយនឹងឧបករណ៍ផ្សេងៗដូចជា កុំព្យុទ័រ Android និង iPhone ជាដើម។ វីដេអូខាងក្រោមនេះជារបៀបនៃកាទិញសំបុទ្រ។
៤. អ្នកអាចចូលរួមបានមុន១ម៉ោង
អ្នកអាចចូលមើលការប្រគុំតន្ត្រីបានមុនមួយម៉ោង មុននឹងមានការសម្តែង ដូច្នេះអ្នកនឹងអាចសាកល្បង ដើម្បីដឹងពីដំណើរការប្រព័ន្ធអ៊ីនធើណែតរបស់អ្នក ដើម្បីជៀសវាងមានបញ្ហាអ៊ីនធើណែតនៅពេលការប្រគុំតន្រ្តីចាប់ផ្តើម។
៥. មានSubtitles
Subtitles នឹងមានជាភាសាអង់គ្លេស ដូចេ្នះអ្នកអាចមើលវាបាន ដែលមាននៅផ្នែកខាងក្រោមនៃអេក្រង់។
៦. មានការផ្តល់ជូនកាដូរ
‘’My Tag Event’’ គឺជាកម្មវិធីផ្តល់ជូនកាដូមួយ ប្រសិនបើអ្នកទាំងអស់គ្នាចូលរួមកម្មវិធីនេះ អ្នកទាំងអស់គ្នានឹងមានឱកាសឈ្នះនូវកាដូជាច្រើនមានដូចជា CD ដែលមានហត្ថលេខា អាវក្រៅ Brand Adidas និងកាដូជាច្រើនទៀត។
សម្រាប់ព័ត៌មានបន្ថែម សូមដោនឡូតកម្មវិធី Playbook App
៧. ដំណោះស្រាយ
អ្នកត្រូវដឹងពីដំណោះស្រាយលើប្រព័ន្ធអ៊ីនធើណែតរបស់អ្នក ព្រោះវាអាចផ្លាស់ប្តូរដោយស្វ័យប្រវត្តិនៅពេលដែលអ្នកកំពុងទស្សនា ដូច្នេះអ្នកត្រូវតែដឹងពីដំណោះស្រាយវា ។
រូបភាពការប្រគុំតន្ត្រីទាំងមូលច្បាស់ល្ អនិងសម្លេងល្អវាអាស្រ័យទៅលើអ៊ីនធើណែតរបស់អ្នក។
៨. ការចែកចាយដោយគ្មានការអនុញ្ញាត
ការប្រគុំតន្ត្រីOnline មួយនេះត្រូវបានគេហាមឃាត់ និងមិនអនុញ្ញាតឱ្យមានការចែកចាយនោះទេ។
៩. ការប្រគុំតន្ត្រី Online ជាលើកដំបូងរបស់BLACKPINK
រីករាយនឹងការទទួលយកបទពិសោធន៍ថ្មីក្នុងការប្រគុំតន្រ្តី Online របស់BLACKPINK ជាលើកដំបូងក្នុងជីវិត។
អ្នកទាំងអស់គ្នាត្រៀមខ្លួនហើយឬនៅ?
សូមទស្សនារូបភាពខាងក្រោម៖