កីឡាករ Neymar ដែលលេងឲ្យក្រុម Paris Saint-Germain បានប្រាប់ ESPN ថារូបគេចង់លេងជាមួយអតីតមិត្តរួមក្រុមកាលនៅ Barcelona កីឡាករ Lionel Messi នារដូវកាលក្រោយនេះ។
កីឡាករ Lionel Messi មានវ័យ ៣៣ ឆ្នាំហើយដោយរូបគេនឹងផុតកុងត្រានៅទឹកដី Camp Nou នាទីផ្សារដោះដូរកីឡាកររដូវក្តៅឆ្នាំក្រោយ ដោយរូបគេអាចចរចារជាមួយក្លិបផ្សេងបានចាប់ពីខែ មករា នេះតទៅ។
គួរបញ្ជាក់ផងដែរថា កីឡាករ Neymar ធ្លាប់លេងជាមួយកីឡាករ Lionel Messi រយៈពេល ៤ ឆ្នាំនៅទឹកដី Camp Nou ដោយរូបគេបានផ្លាស់ទៅលេងឲ្យក្រុម Paris Saint-German កាលពីឆ្នាំ ២០១៧ ក្នុងតម្លៃខ្លួន ២២២ លានអឺរ៉ូ ហើយក៏មានពាក្យចចាមអារ៉ាមថារូបគេអាចនឹងវិលត្រឡប់ទៅទឹកដី Camp Nou វិញផងដែរ។
កីឡាករ Neymar បានប្រាប់ ESPN បន្ទាប់ពីខ្លួនជួយក្រុមយកជ័យជំនះទៅលើ Manchester United ក្នុងលទ្ធផល ៣ ទល់នឹង ១ កាលពីយប់ថ្ងៃពុធឈានចូលថ្ងៃព្រហស្បតិ៍នេះ ដោយរូបគេនិយាយថារូបគេពិតជាចង់លេងជាមួយ Messi ទៀតខ្លាំងណាស់ ហើយ Messi ក៏អាចលេងតំណែងរបស់គាត់ក៏បានដែរឲ្យតែរូបគេបានលេងជាមួយគ្នាម្តងទៀត។
យោងតាមពាក្យសម្តីរបស់ Neymar គឺរូបគេទំនងជាចង់នាំ Messi ទៅកាន់ទឹកដីប្រទេសបារាំងនាឆ្នាំ ២០២១ នេះ៕
Bong I.T