ស្នេហា Taew និងសង្សារសេដ្ឋី កាន់តែផូរផង់ ទៅស្វីតកណ្ដាលសួនផ្កា អ្នកSingle ឃើញហើយរមួលពោះ

ថៃ៖ ចាប់តាំងពីរដូវធ្លាក់ខ្យល់ឈានចូល និងអាកាសធាតុចាប់ផ្តើមចុះត្រជាក់ គេសង្កេតឃើញថា មានតារាថៃជាច្រើន បានដឹងដៃគូស្នេហ៍ ទៅដើរលេង នៅខេត្តឈៀងម៉ៃ  នៃតំបន់សួនច្បារផ្កា ដែលកំពុងមានប្រជាប្រិយបំផុតក្នុងខេត្តនេះ។

ជាក់ស្តែង នៅលើគណនី របស់តារាសម្តែងស្រី Taew Natapohn នៅក្នុង Instagram បានបង្ហោះរូបថតប៉ុន្មានសន្លឹក ដែលបានផ្តិតចេញ ពីទេសភាព ដ៏ស្រស់ស្អាត ក្នុងសួនច្បារផ្កា​ ដែលកំពុងរីកសុះសាយ ដែលបានធ្វើឲ្យរូបភាពមួយសន្លឹកៗ របស់តារាស្រីរូបនេះ កំពុងចាយរាង កាន់តែទាក់ទាញទ្វេដង។

អ្វីដែលពិសេសនោះ Taew ក៏បានឆ្លៀតបង្ហោះរូបភាព ជាមួយគូស្នេហ៍ហាយសូរបស់នាង លោក Pranai បានកាន់ដៃ​យ៉ាងផ្អែមល្ហែមផងដែរ នៅកណ្តាលសួនផ្កាពណ៌ក្រហម ដែលមើលទៅ ពិតជាឡូយខ្លាំង បូករួមនឹងទេសភាព ថែមទាំងសម្រស់ដ៏ស្រស់ស្អាត និង ភាពស្រស់់សង្ហាអ្នកទាំងពីរ បានធ្វើឲ្យប៉ុស្តិ័នីមួយៗ មិនសរសើរមិនបាន៕

លើសពីនេះទៀតសោត តារាស្រីរូបនេះ ក៏បានបញ្ចេញ ជាវីដេអូផងដែរ នៃទិដ្ឋភាពទាំងមូល នៃតំបន់សួនច្បារ កំពុងតែរីកសុះសាយធំគួរឲ្យចង់គយគន់នេះ ដែលអ្នកទាំងពីរបានដើរកាន់ដៃគ្នា កណ្តាលសួន យ៉ាងរ៉ូមែនទិក ហាក់បីដូចអ្នកទាំងពីរកំពុងតែថត Pre-Wedding តែម្តង៕

សូមទស្សនាវីដេអូខាងក្រោម៖