ទីបំផុត Mercedes-AMG GT ស៊េរីឆ្នាំ ២០២១ បញ្ចេញតម្លៃមកហើយ! (មានវីដេអូ)

អាមេរិក៖  រថយន្តនេះជារថយន្តមួយក្នុងត្រកូល Black Series ដែលមានថាមពលខ្លាំងបំផុត។ រថយន្ត Mercedes-AMG GT Black Series គឺជារថយន្តពិសេសមួយដែលមានកម្លាំង 720 កម្លាំងសេះ និងមានម៉ាស៊ីនភ្លោះ 8 ស៊ីឡាំង (twin-turbocharged V8 engine)។

ឥឡូវនេះក្រុមហ៊ុន Mercedes បានបញ្ជាក់ពីតម្លៃរបស់រថយន្តនេះហើយ។ រថយន្ដ AMG GT Black Series នេះនឹងចាប់ផ្តើមក្នុងតម្លៃ 325,000 ដុល្លារ ដោយមិនរាប់បញ្ចូលការកែលំអរម៉ាស៊ីនផ្សេងៗ និងថ្លៃដឹកជញ្ជូន 1,050 ដុល្លារ។

ថ្លៃមែនទេ? តែនេះមិនមែនរថយន្ត Mercedes ធម្មតាទេ។ ស៊េរី GT Black Series មានកម្លាំងបង្វិលកង់ 590 lb-ft ធ្វើឱ្យឡាននេះមានល្បឿនលឿនអស្ចារ្យ អាចបើកដល់ 96 Km/ម៉ោង ត្រឹមតែ 3.1 វិនាទីតែប៉ុណ្ណោះ ហើយឈានដល់ល្បឿនអតិបរមា 202 Km/ម៉ោង។ ចង់ដឹងថាឡាននេះអស្ចារ្យយ៉ាងណានោះ អ្នកអាចចូលមើលវិដេអូនៅខាងក្រោមបាន៕