វ៉ាស៊ីនតោន៖ អ្នកវិទ្យាសាស្ត្រមួយក្រុម មកពីសាកលវិទ្យាល័យវ៉ាស៊ីនតោននៅក្នុងទីក្រុង St. Louise បានបង្កើតឧបករណ៍ទំនើបមួយ ដែលអាចបំលែងសារធាតុអំបិលនៅលើភពព្រះអង្គារ (ភពក្រហម) ឱ្យទៅជាអុកស៊ីសែននិងឥន្ធនៈ សម្រាប់អវកាសយានិកអាចប្រើប្រាស់បាន នៅពេលចាប់ផ្តើមបេសកកម្មទៅចុះចតនៅលើភពក្រហមនេះ ក្នុងឆ្នាំ២០៣៣ ខាងមុខ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សឧបករណ៍បំលែង Brine Electrolyzer គឺប្រើប្រាស់ចរន្តអគ្គិសនី ដើម្បីបំបែកសារធាតុអំបិលទៅជាអុកស៊ីសែននិងអ៊ីដ្រូសែន ។ ហើយលើសពីនេះ វាក៏អាចផលិតបានអុកស៊ីសែន ២៥ដង ច្រើនជាងឧបករណ៍ In-Situ Resource Utilization ឬ MOXIE របស់អង្គការណាសា ដែលបានដាក់ប្រើប្រាស់ជាមួយនឹងយានរុករកនៅលើភពក្រហម កាលពីខែកក្កដាផងដែរ។
គួរជម្រាបដែរថា ដើម្បីអាចធ្វើដំណើរទៅកាន់ភពព្រះអង្គារបាន មិនថាទៅរយៈពេលយូរឬរយៈពេលខ្លីនោះទេ គឺអវកាសយានិកនឹងត្រូវការនូវឧបករណ៍ចាំបាច់មួយចំនួន សម្រាប់នៅប្រើប្រាស់នៅទីនោះ ជាពិសេសគឺអុកស៊ីសែនសម្រាប់ដកដង្ហើម និងឥន្ធនៈសម្រាប់ធ្វើដំណើរត្រឡប់មកផែនដីវិញ៕