ភ្នំពេញ៖ បើងាកមើល ជីវិតគ្រួសារ របស់តារាសម្តែង និងជាពិធីករល្បីឈ្មោះ លោក ញ៉ែម សុគន្ធ មើលទៅហាក់បីដូចកំពុងមានសេចក្ដីសុខយ៉ាងខ្លាំងជាមួយភរិយា ជាទីស្រលាញ់ដ៏ស្រស់សោភា បូករួមជាមួយចំណងដៃរបស់អ្នកទាំងពីរ ទទួលបានកូនប្រុសដំបូងផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្ដែង កាលពីថ្មីៗនេះវិញ នៅក្នុងថ្ងៃគម្រប់ ២ឆ្នាំ នៃចំណងអាពាហ៍ពិពាហ៍របស់លោក និង ភរិយានៅលើគណនីហ្វេសប៊ុករបស់តារាប្រុសនេះ គេបានឃើញ អ្នកទាំងពីរ ក៏បានរៀបចំពិធីដ៏តូចមួយ ខណៈដែលបាននាំគ្នាទៅញ៉ាំអាហារពេលល្ងាចនៅក្នុងហាងដ៏ប្រណីតមួយ ជាពិសេសនោះរូបលោក ក៏បានទិញបាច់ផ្កា ក៏ដូចជានំខេក ដើម្បីអបអរក្នុងថ្ងៃពិសេសរបស់ពួកគេផងដែរ។
ក្នុងនោះដែរ គេសង្កេតឃើញថា អ្នកទាំងពីរ ពោរពេញដោយភាពសប្បាយរីករាយ យ៉ាងក្រៃលែង ជាពិសេសនោះ ក្នុងឆ្នាំនេះ ក៏បានបន្ថែមសមាជិកម្នាក់ទៀត បានធ្វើឲ្យក្រុមគ្រួសាររបស់តារាប្រុសរូបនេះ មើលទៅកាន់តែមានសុភមង្គលថែមមួយកម្រិត ក្រោយពីបានមើលទិដ្ឋភាពដ៏មានសេចក្តីសុខបែបនេះ៕
សូមទស្សនារូបភាពខាងក្រោម៖