មួយថ្ងៃមុននឹងថ្ងៃកំណើតគម្រប់ ២៨ឆ្នាំរបស់ Jin នៃក្រុម BTS ច្បាប់មួយដែលគេដាក់ឈ្មោះថា “BTS Law” ត្រូវបានគេព្រមទទួលយកហើយ។ ច្បាប់នេះ គឺអនុញ្ញាតឲ្យអាយដលបុរសនៅក្នុងវិស័យ K-Pop ដែលទទួលបានមេដាយពីរដ្ឋាភិបាល ក្នុងនាមជាអ្នកលើកកម្ពស់វប្បធម៌ជាតិទាំងនៅក្នុងស្រុក និងក្រៅស្រុក អាចចូលបម្រើកងទ័ពនៅអាយុ ៣០ឆ្នាំបាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរបញ្ជាក់ថា ច្បាប់កាលពីមុនគឺតម្រូវឳ្យបុរសមានកាតព្វកិច្ចបម្រើទាហានដល់ទៅ ២០ខែ បន្ទាប់ពីពួកគេឈានចូលដល់អាយុ២៨ឆ្នាំ (ឬអាចមុនអាយុនេះ)។ ទោះយ៉ាងណាក៏ដោយ ច្បាប់ថ្មីនេះវាស្រដៀងនឹងច្បាប់សម្រាប់អ្នកអត្តពលកម្មដែលបានឈ្នះ មេដាយនៅក្នុង Olympics ឬ Asian Games គឺនឹងត្រូវបានលើកលែងពីកាតព្វកិច្ចនេះ។
ច្បាប់មួយនេះត្រូវ បានលើកឡើងកាលពីចុងខែកញ្ញា នៅខណៈនោះភាពជោគជ័យរបស់ BTS កំពុងត្រូវបានទទួលស្គាល់យ៉ាងខ្លាំងជាមួយនឹងបទ “Dynamite” តែទោះជាយ៉ាងណាវាជាការសម្រេចចិត្តរបស់ Jin ថាគេចង់រង់ចាំដល់ពីរឆ្នាំទៀត ដែរឬទេ៕