ជាស្រីស្អាត ទោះ Selena តែងខ្លួនរយីករយាកដើរដោះស្បែកជើង យកសំរាមទៅចោល នៅតែលេចធ្លោ

បរទេស៖ ក្រោយពីបានបង្ហាញខ្លួនក្នុងប៉ុស្តិ៍ទូរទស្សនិ៍ Disney តាំងពីកាលពីកុមារភាព បានបង្កើតភាពល្បីល្បាញរហូតមកដល់ពេលនេះ តារាចម្រៀង Selena Gomez បានក្លាយជាតារាលំដាប់ពិភពលោក ហើយក៏ជាអាយដល របស់អ្នកគាំទ្រជាច្រើនដោយសារតែ ទេពកោសល្យសិល្បៈ បូករួមនឹងសម្រស់ស្រស់ស្អាត អំណោយផលពីធម្មជាតិផងដែរ។

ហេតុដូច្នេះ មិនថារូបភាពមួយណា ដែលគេប្រមាញ់បានរបស់ តារាចម្រៀង Selena Gomez តែងតែទទួលបានការចាប់អារម្មណ៍ ក៏ព្រោះ សម្រស់ស្រស់ស្អាត ល្អគ្រប់ជុ្រងរបស់នាង នៅតែជាជាទីទាក់ទាញ ពីក្រសែភ្នែករបស់មហាជនទាំងពួង។

យ៉ាងណាមិញ ជាក់ស្តែង គេបានប្រមាញ់ រូបភាពប្រចាំថ្ងៃជាជីវិតស្រ្តីមេផ្ទះ នៅពេលដែល Selena ត្រូវបានគេឃើញស្លៀកពាក់ខោអាវធម្មតា ដើរចេញមកក្រៅផ្ទះ អូសធុងសំរាម ដាក់នៅមុខផ្ទះ យ៉ាងលេចធ្លោជាមួយសម្រស់បែបសាមញ្ញ។

អ្វីដែលគួរឲ្យចាប់អារម្មណ៍នោះ រូបនាងបានដើរដោយជើងទទៅ ប៉ុន្តែនៅតែបង្ហាញពីភាពស្រស់ស្អាត និងសម្រស់របស់នាង ដ៏ផូរផង់ ដែលបញ្ចេញភាពស៊ិចស៊ីសាច់ស្មាម្ខាង បានធ្វើឲ្យនាងទាក់ទាញថែមមួយកម្រិតទៀត មិនចាញ់សម្រស់នៅលើឆាកប៉ុន្មាននោះទេ ទោះបីជាអតីតសង្សារ Justin Bieber តែងខ្លួននៅផ្ទះបែបនេះក្តីក៏ដោយ៕

សូមទស្សនារូបភាពខាងក្រោម៖