មូស្គូ៖ ប្រទេសរុស្ស៊ីបាននិយាយកាលពីថ្ងៃអង្គារថា ខ្លួនបានដាក់ពង្រាយប្រព័ន្ធការពារមីស៊ីល S-300V4 ថ្មីរបស់ខ្លួនសម្រាប់ប្រឆាំងការវាយប្រហារនៅលើបណ្តាកោះដែលមានជម្លោះក្បែរប្រទេសជប៉ុន។ ហើយគេយល់ថាកាធ្វើបែបនេះអាចជាសកម្មភាពមួយ ដែលទំនងជាធ្វើឱ្យក្រុងតូក្យូខឹង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សស្ថានីយ៍ទូរទស្សន៍ Zvezda របស់ក្រសួងការពារជាតិរុស្ស៊ីបានគូសបញ្ជាក់ថា ប្រព័ន្ធការពារដែនអាកាសចល័តដែលត្រូវបានរចនាឡើងដើម្បីទប់ទល់នឹងការវាយប្រហារតាមអាកាសនិងពីលើអាកាស គឺស្ថិតនៅលើកោះ Iturup ជាកោះមួយក្នុងចំណោមកោះចំនួន៤ កាន់កាប់ដោយប្រទេសរុស្ស៊ី ដែលជប៉ុនអះអាងថា វាជាដែនដីភាគខាងជើងរបស់ខ្លួន។
ហេតុនេះហើយ ប្រទេសជប៉ុនមានភាពរសើបយ៉ាងខ្លាំងចំពោះ ចលនាយោធារបស់ប្រទេសរុស្ស៊ីនៅលើខ្សែសង្វាក់កោះសំខាន់ៗ ដែលលាតសន្ធឹងនៅភាគឦសានពី កោះហុកកៃដូរបស់ជប៉ុន ទៅតំបន់កំផែងខាងកើតនៃប្រទេសរុស្ស៊ី។
គួរជម្រាបថា ការដាក់ពង្រាយនេះធ្វើឡើងមិនយូរប៉ុន្មានទេ ក្រោយពីអតីតនាយករដ្ឋមន្រ្តីជប៉ុន Shinzo Abe ដែលជាអ្នកធ្លាប់បានជំរុញឱ្យមានការដោះស្រាយជម្លោះ និងព្យាយាមយកឈ្នះចិត្តប្រធានាធិបតីរុស្ស៊ី លោក Vladimir Putin៕