អគ្គិភ័យឆាបឆេះ បំផ្លាញអគារវត្តសរុបជាទឹកប្រាក់ ៣៣ម៉ឺនដុល្លារ ក្នុងស្រុកមួយរបស់ប្រទេសថៃ

ថៃ៖ អគ្គិភ័យមួយបានបណ្តាលឱ្យខូចខាតយ៉ាងដំណំទៅលើ អគារព្រះវិហារចំនួន ៣ នៅវត្ត Paknam Bungsaphang មួយដែលមាន​រក្សាទុក រូបសំណាកចំណាស់ៗ ក្នុងស្រុក​ Muang ដោយការខូចខាតត្រូវបានគេប៉ាន់ស្មានថាមានចំនួន ១០លានបាត  ឬប្រមាណ ៣៣ម៉ឺនដុល្លារ។

ចៅអធិការវត្ត Phra Maha Paithoon មានសង្ឃដីកាថា មានតែព្រះសង្ឃចំនួន ៦អង្គ ប៉ុណ្ណោះដែលគង់នៅព្រះវិហារ។ ហើយពេលមាន​អគ្គិភ័យកើតឡើង  ព្រះសង្ឃទាំងនោះបានរត់ទៅរកជំនួយនៅ​ និងបានទាក់ទងទៅក្រុមពន្លត់អគ្គិភ័យ។

បន្ទាប់ពីបានទាក់ទងរួច ក្រុមពន្លត់អគ្គិភ័យប្រហែលជា ១០នាក់ បានឆ្លើយតបយ៉ាងឆាប់រហ័ស ប៉ុន្តែអគ្គិភ័យមិនអាចពន្លត់បានភ្លាមៗនោះទេ ដោយអ្នកពន្លត់អគ្គិភ័យត្រូវចំណាយពេលរហូតដល់ប្រហែល ២ ម៉ោងទើប​ពន្លត់បានដោយជោគជ័យ។

គួរបញ្ជាក់ផងដែរថា ចំពោះករណីអគ្គិភ័យឆាបឆេះនេះ​ គឺមិនបានបង្ករបួសស្នាមដល់នរណាម្នាក់ទេ ម៉្យាងទៀតរូបសំណាកក៏មិនបានខូចខាតអ្វីដែរ៕