បរទេស៖ ក្នុងព្រឹត្តិការណ៍មួយ នាយកប្រតិបត្តិក្រុមហ៊ុន Maserati លោក Davide Grasso បាននិយាយថា ក្រុមហ៊ុនគ្រោងនឹងប្រែរថយន្តរបស់ខ្លួនទៅជារថយន្តអគ្គិសនីទាំងអស់ ដែលគម្រោងនេះនឹងចាប់ផ្តើមពីឆ្នាំ២០២១ទៅ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបន្ទាប់ពីការផលិតរថយន្តអគ្គិសនី Ghibli កាលពីដើមឆ្នាំនេះ ក្រុមហ៊ុននឹងបន្តជំរុញការផលិតរថយន្តអគ្គិសនីទៅលើរថយន្តប្រភេទ Grecale SUV ស៊េរីថ្មីរបស់ខ្លួនដែលនឹងចេញនៅឆ្នាំក្រោយ។ Maserati នឹងលក់យានយន្តនេះជាពីរប្រភេទ ដែលគឺមួយប្រភេទមានម៉ាស៊ីនចំហេះទូទៅ និងមួយទៀតជាម៉ាស៊ីនហាយប្រីដ។
ចំណែកឯម៉ូឌែលអគ្គិសនីពេញលេញនៃរថយន្តប្រភេទ SUV នឹងមកដល់នៅពេលក្រោយ។ លោក Grasso បានមានប្រសាសន៍ថា៖ «ម៉ូឌែល Gran Turismo និង Gran Cabrio ស៊េរីថ្មីក៏ផលិតជារថយន្តអគ្គិសនីផងដែរ។ យើងនឹងផលិតរថយន្តអគ្គីសនីសុទ្ធសាធ ក្នុងរយៈពេល៥ឆ្នាំទៀត។»
ក្រុមហ៊ុនគ្រោងនឹងផលិតឡានអគ្គិសនីយ៉ាងហោចណាស់ឱ្យបាន៣០គ្រឿង នៅឆ្នាំ២០២២ ហើយប្រឈមនឹងសម្ពាធកាន់តែខ្លាំងពីអ្នកឃ្លាំមើល ដែលដាក់សម្ពាធក្រុមហ៊ុននេះផ្លាស់ចេញពីម៉ាស៊ីនដែលប្រើសាំង៕