ភ្នំពេញ៖ យោងតាមការបង្ហោះនៅលើទំព័ហ្វេសប៊ុកផ្លូវការរបស់ស្នងការដ្ឋាននគរបាលរាជធានីភ្នំពេញ នារសៀលថ្ងៃអង្គារ ទី០១ ខែធ្នូនេះ បានឲ្យដឹងថា ការអនុវត្តត្រួតពិនិត្យរឹតបន្តឹងច្បាប់ចរាចរណ៍ផ្លូវគោក នឹងត្រូវផ្អាកជាបណ្ដោះអាសន្នរយៈពេល១៥ថ្ងៃ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការអនុវត្តនេះ ដោយយោងតាមបទបញ្ជារបស់ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងការណែនាំដោយផ្ទាល់របស់ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ។ បទបញ្ជានេះ ចាប់អនុវត្ដពីថ្ងៃទី០១ ដល់ថ្ងៃទី១៥ ខែធ្នូ ឆ្នាំ២០២០ ប៉ុន្តែទន្ទឹមនឹងនេះ សមត្ថកិច្ចចរាចរណ៍ទាំងអស់ក៏នឹងនៅតែអនុវត្តតួនាទីរបស់ខ្លួន ដើម្បីជួយសម្រួលចរាចរណ៍ជូនប្រជាពលរដ្ឋជាធម្មតាមផងដែរ ។
ជាចុងក្រោយ សូមអំពាវនាវដល់ប្រជាពលរដ្ឋទូទាំងប្រទេសកម្ពុជា ជាពិសេសអ្នករស់នៅរាជធានីភ្នំពេញ មេត្ដាចូលរួមបង្ការ និងទប់ស្កាត់ការឆ្លងរាលដាលវីរុសកូវីដ-១៩ទាំងអស់គ្នា ដោយការពាក់ម៉ាស់ជាប្រចាំ លាងដៃនឹងសាប៊ូ ឬអាល់កុលឲ្យបានញឹកញាប់៕
ប្រភព៖ ស្នងការដ្ឋាននគរបាលរាជធានីភ្នំពេញ