គម្រប់ខួបអាពាហ៍ពិពាហ៍ ៣ ឆ្នាំ! សុគន្ធ និសា មានកាដូថ្មីសម្រាប់អ្នកគាំទ្រមិនឲ្យខកបំណង (មានវីដេអូ)

ភ្នំពេញ៖ តារាចម្រៀងល្បីឈ្មោះប្រចាំផលិតកម្ម រស្មីហង្សមាស អ្នកនាង សុគន្ធ និសា ជាតារាស្រីដែលទទួលបានប្រជាប្រិយភាពមិនចេះរីងស្ងួត បើទោះបីអ្នកនាងមានស្វាមីរួចហើយក៏ដោយ។

តួយ៉ាង សម្រាប់អ្នកនាង សុគន្ធ និសា និងស្វាមី គឺជាគូស្នេហ៍មួយគូ ដែលមិនសូវចូលចិត្តបង្ហាញភាពផ្អែមល្ហែម និងបង្ហោះរូបភាពជាមួយគ្នាញឹកញាប់ នៅលើបណ្តាញសង្គមច្រើនដូចតារាដទៃឡើយ តាំងពីរៀបការអស់រយៈពេល ៣ ឆ្នាំមកនេះ។

 យ៉ាងណាមិញ កាលពីម្សិលមិញ តារាស្រីរូបនេះបានប្រកាសនៅក្នុងគណនីហ្វេសប៊ុករបស់ខ្លួនថា សម្រាប់គម្រប់ខួបអាពាហ៍ពិពាហ៍ ៣ ឆ្នាំនេះ អ្នកនាងបានត្រៀមកាដូចម្រៀងមួយបទដែលមានចំណងជើងថា «អរគុណគ្រប់យ៉ាង» ដើម្បីជាចំណីអារម្មណ៍ និងជាចំណងដៃដល់អ្នកគាំទ្រ និងមហាជនដែលតែងតែស្រលាញ់ ចូលចិត្ត និងគាំទ្រអ្នកនាងរហូតមក៕

ដើម្បីកុំឲ្យខាតពេលយូរ សូមទស្សនារូបភាព និងបទចម្រៀងខាងក្រោមនេះ ៖