អ៊ីរ៉ង់៖ អ៊ីរ៉ង់ជឿជាក់ថា អ៊ីស្រាអែលនិងក្រុមប្រឆាំងដែលត្រូវនិរទេស បានប្រើប្រាស់អាវុធបញ្ជាពីចម្ងាយ ដើម្បីបាញ់អ្នកវិទ្យាសាស្ត្រនុយក្លេអ៊ែរកំពូល គឺលោក Mohsen Fakhrizadeh កាលពីថ្ងៃសុក្រ។ ប្រធានសន្តិសុខលោក Ali Shamkhani បាននិយាយថា ក្រុមអ្នកវាយប្រហារបានប្រើប្រាស់ឧបករណ៍អេឡិចត្រូនិច នៅពេលរថយន្តរបស់លោក Fakhrizadeh ត្រូវបានបាញ់ នៅខាងកើតនៃរដ្ឋធានី Tehran។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រធានសន្តិសុខរូបនេះបាននិយាយនៅក្នុងពិធីបុណ្យសពរបស់អ្នកវិទ្យាសាស្ត្ររូបនេះ ដែលប្រទេសអ៊ីស្រាអែលបានចោទប្រកាន់ថា លោក Fakhrizadeh បានធ្វើការជួយដោយសម្ងាត់ក្នុងការអភិវឌ្ឍអាវុធនុយក្លេអ៊ែរ។ អ៊ីស្រាអែលមិនបានអត្ថាធិប្បាយជាសាធារណៈ លើការចោទប្រកាន់ពាក់ព័ន្ធនឹងអំពើធ្វើឃាតនេះទេ។
នៅដើមទសវត្សរ៍ឆ្នាំ២០០០ លោក Fakhrizadeh ដើរតួនាទីយ៉ាងសំខាន់ក្នុងកម្មវិធីអាវុធនុយក្លេអ៊ែររបស់អ៊ីរ៉ង់ ប៉ុន្តែរដ្ឋាភិបាលបានប្រាប់ថា នុយក្លេអ៊ែររបស់ខ្លួនគឺស្ថិតនៅក្នុងសកម្មភាពសន្តិភាពទាំងស្រុង។ វាត្រូវបានទទួលរងនូវការដាក់ទណ្ឌកម្មរបស់លោកខាងលិច ដែលមានគោលបំណងរារាំងការអភិវឌ្ឍអាវុធនុយក្លេអ៊ែរ៕