ភ្នំពេញ៖ យោងតាមសេចក្ដីជូនដំណឹងរបស់ក្រសួងធនធានទឹក និងឧតុនិយម នៅព្រឹកថ្ងៃអង្គារនេះ បានឲ្យដឹងថា ជ្រលងសម្ពាធខ្ពស់ពីប្រទេសចិន នឹងរំកិលចុះមកក្រោមជាលំដាប់ ដោយនៅថ្ងៃទី៤ ខែធ្នូខាងមុខនេះ នឹងរំកិលចុះមកដល់លើភាគកណ្ដាលប្រទេសកម្ពុជា ជាមួយនិងខ្យល់មូសុងឦសានបក់ខ្លាំង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សស្ថានភាពបែបនេះ នឹងធ្វើឲ្យអាកាសធាតុក្នុងប្រទេសកម្ពុជាចុះត្រជាក់លើកទីមួយ ចាប់ពីថ្ងៃទី៤ ដល់ទី៧ ខែធ្នូ ឆ្នាំ២០២០ ដោយសីតុណ្ហភាពអប្បបរមាពី ១៧-២៣អង្សាសេ និងអតិបរមាពី២៥-២៩អង្សាសេ៕
អាស្រ័យហេតុដូចបានជម្រាបជូនខាងលើ ក្រសួងបានអំពាវនាវដល់ប្រជាពលរដ្ឋ ពិសេសនវរៈកងទ័ព ដែលកំពុងឈរជើងនៅតំបន់ជួរភ្នំដងរែក និងខ្ពង់រាបភាគឦសាន សូមយកចិត្តទុកដាក់ ថែរក្សាសុខភាពចំពោះធាតុអាកាសត្រជាក់នេះ៕
សូមអានសេចក្ដីជូនដំណឹងលម្អិតរបស់ក្រសួងធនធានទឹក និងឧតុនិយមខាងក្រោមនេះ៖