ភ្នំពេញ៖ នារយៈពេលប្រមាណជា២ឆ្នាំចុងក្រោយនេះ សង្កេតឃើញថា តារាសម្តែងស្រីសាច់សខ្ចី គីម ស៊ីវឡាម កាន់តែមានសន្ទុះខ្លាំងឡើងៗតាមរយៈការថតរឿងភាគជាបន្តបន្ទាប់ជាមួយនឹងផលិតកម្មធំៗចំនួន២គឺ ផលិតកម្មហង្សមាស និងផលិតកម្ម Sastra Film។ ចំណុចនេះអាចបញ្ជាក់បានថា ទីផ្សារការងារសម្តែងរបស់ស្រីស្អាតរូបនេះ ពិតជាឡើងកូដលឿនខ្លាំងមិនធម្មតាឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើនិយាយពីការចូលសម្តែងក្នុងផលិតកម្មហង្សមាសដំបូងវិញ ស៊ីវឡាម មិនបានប្រកាន់ខ្លួនទៅនឹងប្រភេទតួអង្គដែលនាងសម្តែងនោះទេ ពោលគឺនាងដើរតួត្រឹមតែជាអ្នកបម្រើជំនិតរបស់តួអង្គកញ្ញា សូដា នីតា នៅក្នុងរឿង “រាជិនីភូមិគ្រឹះ” ប៉ុណ្ណោះ។ ប៉ុន្តែតាមរយៈសមត្ថភាពសម្តែងដ៏ប៉ិនប្រសប់ បូកផ្សំនឹងអត្តចរិតរួសរាយរាក់ទាក់ និងការគោរពពេលវេលាថតបានល្អទៀតផងនោះ ជាកត្តាដែលញ៉ាំងឱ្យបណ្តាអ្នកដឹកនាំតាមផលិតកម្មធំៗនានា តែងតែជ្រើសរើស គីម ស៊ីវឡាម ទៅសម្តែងជាបន្តបន្ទាប់ មិនថាការសម្តែងជាខ្សែភាពយន្ត និងការថត MV នោះឡើយ ហើយការសម្តែងមួយចំនួនក្នុងនោះ ស៊ីវឡាម ក៏បានវិវត្តខ្លួនទៅជាតួឯក និងតួរងបានយ៉ាងច្រើនផងដែរ។
ជាក់ស្តែងថ្មីៗនេះ ស៊ីវឡាម បានលេចមុខបន្តកន្ទុយគ្នាជាតួរងនៅក្នុងរឿងភាគមួយចំនួនដូចជា៖ “ព្រាននារីកែខ្លួន” “ប្រពន្ធបងមិនល្អមែនទេ” និងរឿងភាគបែបកំប្លែងដែលកំពុងល្បី “ម៉ែក្មេកចេញពីក្នុងព្រះចន្ទ” ដែលជាស្នាដៃរបស់អ្នកនិពន្ធរឿងវ័យក្មេងលោក សោម ដូរ៉េ និងអ្នកដឹកនាំសម្តែងល្បីឈ្មោះលោក កៅ សីហា។
អ្វីដែលរឹតតែគួរឱ្យចាប់អារម្មណ៍ថែមទៀតនោះ គីម ស៊ីវឡាម ក៏បានត្រៀមនូវចំណីអារម្មណ៍ថ្មីមួយបន្ថែមទៀតនាពេលឆាប់ៗខាងមុខជាមួយនឹងខ្សែភាពយន្តភាគរបស់ទូរទស្សន៍ហង្សមាសដែលមានចំណងជើងថា “ឋានសួគ៌ទារុណ” ដែលជារឿងភាគមួយកំពុងតែត្រូវបានទស្សនិកជនជាច្រើនទន្ទឹងរង់ចាំទស្សនាយ៉ាងអន្ទះសារ ហើយ ស៊ីវឡាម ក៏ជាតួរងស្រីដ៏សំខាន់មួយរូបក្នុងរឿងនេះផងដែរ ដែលទាំងនេះហើយសុទ្ធសឹងតែជាឱកាសដែលផ្តល់ឱ្យនាងសាងយកភាពល្បីល្បាញដើម្បីអាជីពដែលនាងស្រលាញ់៕
សូមទស្សនារូបភាពខាងក្រោម៖